फोन टॅपिंग प्रकरणात माझी बदनामी, रश्मी शुक्लांवर ५०० कोटींचा दावा ठोकणार - पटोले

मुंबई : रश्मी शुक्ला (Rashmi Shukla) पुणे कमिशनर असतांना माझा नंबर टॅपिंग केला. माझी बदनामी करण्याचे काम केले. पोलिसांनी गुन्हा दाखल केला आहे. माझी व्यक्तिगत बदनामी झाली आहे. रश्मी शुक्ला आणि संबंधित व्यक्तींवर 500 कोटींचा मानहानीचा दावा ठोकणार असल्याचे काँग्रेस प्रदेशाध्यक्ष नाना पटोले (Nana Patole) यांनी पत्रकार परिषदेत सांगितलं. तसंच तत्कालीन मुख्यमंत्री देवेंद्र फडणवीस यांचा देखील फोन टॅपिंग प्रकरणात सहभाग असेल तर त्यांच्यावर ही कारवाई केली जाईल असही पटोले म्हणाले.

यावेळी त्यांनी राज्यपालांवर टीका केली. छत्रपती शिवाजी महाराजांचा अपमान राज्यपाल करत आहेत. राज्यपालांचा आम्ही अपमान करत नाही पण त्या पदावर बसलेली व्यक्ती चुकीची आहे. काँग्रेस यापुढे "राज्यपाल गोबॅक" आंदोलन करायलाही मागेपुढे पाहणार नाही असा इशारा देखील पटोले यांनी दिला.

दरम्यान केंद्र सरकार परराष्ट्रीय धोरणात अपयशी ठरले आहे. आता नरेंद्र मोदी यांचा युक्रेन मधून भारतीयांना सोडून आणण्यात आपले सामर्थ्य आहे हे सांगून पाठ थोपटून घेणे कितपत योग्य आहे असा टोलाही त्यांनी मोदींंना लगावला.

Edited By - Jagdish Patil