Mumbai-Pune Expressway Traffic Jam: मुंबई-पुणे एक्स्प्रेसवर वाहतूक कोंडी, सलग सुट्ट्यांमुळे बोरघाटात 12 किलोमीटरपर्यंत वाहनांच्या रांगा..

Mumbai-Pune Expressway News: मुंबई-पुणे एक्स्प्रेसवर मोठी वाहतूक कोंडी झाल्याचं चित्र पाहायला मिळत आहे. मुंबई पुणे द्रुतगती मार्गावर सकाळपासून वाहतूक कोंडी झाली आहे. सलग आलेल्या सुट्ट्यांमुळे मुंबई कडून पुण्याकडे येणारी वाहतूक संथ गतीने सुरू.

खंडाळा बोरघाटात तब्बल बारा किलोमीटर पर्यंत वाहनांच्या रांगा लागलेल्या दिसत आहेत. शनिवार, रविवार आणि 15 ऑगस्ट अशा सलग सुट्ट्या आल्यामुळे पर्यटकांनी आपले खाजगी वाहन रस्त्यावर आणले आहे. यामुळे मोठी वाहतूक कोंडी झाल्याचं पाहायला मिळत आहे.

सलग सुट्टी आल्याने लोणावळा महाबळेश्वर कोल्हापूर अशा पर्यटन स्थळे जाऊन सुट्टीचा आनंद हे पर्यटक करीत आहे. दरम्यान, वारंवार प्रशासनाच्या वतीने विनंती करूनही पर्यटक आपल्या खाजगी वाहनाने प्रवास करताना दिसत आहेत. त्यामुळे मुंबईहून पुण्याकडील जाणाऱ्या लेन वर बोरघाटात मोठ्या प्रमाणात वाहनांच्या रांगाच रांगा लागलेल्या आहेत.  (Latest Marathi News)

दरम्यान, मागल्या महिन्यातमुंबई-पुणे एक्स्प्रेसवर आडोशी बोगद्याजवळ दरड कोसळली होती. सुदैवाने यात कोणतीही जीवितहानी झालेली नव्हती. यामुळे पुण्याहून मुंबईच्या दिशेने जाणाऱ्या तिन्ही लेन वाहतुकीसाठी बंद करण्यात आल्या होत्या.

पुणे-मुंबई द्रुतगती मार्गावरील आडोशी गावाच्या हद्दीत 23 जुलै रोजी रात्री दरड कोसळली होती. त्यामुळे डोंगरभागातून मातीचा लगदा महामार्गावरील तिन्ही लेनवरती पडला. त्यामुळे पुण्याहून मुंबईच्या दिशेने जाणाऱ्या तिन्ही लेन वाहतुकीसाठी बंद करण्यात आल्या होत्या.