

धावत्या एक्स्प्रेस मध्ये व्यापाऱ्याची साडे पाच कोटींचे सोन्याचे दागिने असलेली बॅग चोरीला
सिद्धेश्वर एक्स्प्रेस मध्ये घडली घटना
कल्याण रेल्वे पोलीस ठाण्यात गुन्हा दाखल
तपासासाठी कल्याण रेल्वे पोलिसांची तीन पथके तैनात
संघर्ष गांगुर्डे, साम टीव्ही
कल्याण-सोलापूर ते कल्याण सिद्धेश्वर एक्स्प्रेसने प्रवास करणाऱ्या एका व्यापाऱ्याची साडेपाच कोटींचे सोने असलेली बॅग चोरीला गेल्याची घटना समोर आली आहे. या प्रकरणी कल्याण रेल्वे पोलीस ठाण्यात गुन्हा दाखल करण्यात आला आहे. कल्याण रेल्वे पोलिसांची तीन पथके या गुन्ह्याच्या तपसासाठी नियुक्त करण्यात आल्या आहेत. या प्रकरणी तपास सुरू करण्यात आला असल्याची माहिती कल्याण रेल्वे पोलीस ठाण्याचे वरिष्ठ पोलीस निरीक्षक पंढरीनाथ कांदे यांनी दिली.
गोरेगाव येथील सोन्याच्या दागिन्यांचे व्यापारी अभयकुमार जैन हे ६ डिसेंबर रोजी सिद्धेश्वर एक्स्प्रेसच्या एसी कोचमधून सोलापूरहून मुंबईच्या दिशेने प्रवास करत होते. त्यांनी साडेपाच कोटी किंमतीचे सोन्याच्या दागिन्यांनी भरलेली बॅग लॉक करून कोचखाली ठेवली होती.
प्रवासादरम्यान झोपलेल्या जैन यांना पहाटे गाडी कल्याण स्टेशनजवळ आल्यावर जाग आली. त्यांनी कोचखाली ठेवलेली सोन्याच्या दागिन्यांची बॅग घेण्याचा प्रयत्न केला. मात्र बॅग गायब होती. बॅग लंपास झाल्याचे कळताच अभयकुमार जैन यांना मोठा धक्का बसला. त्यांनी तत्काळ तिकीट तपासनीसशी संपर्क साधत घडला प्रकार सांगितला.
याप्रकरणी जैन यांनी कल्याण रेल्वे पोलिस ठाण्यात तक्रार दिली आहे. कल्याण रेल्वे पोलिसांनी या प्रकरणी गुन्हा दाखल करत पुढील तपास सुरू केला आहे. या गुणाच्या तपासासाठी कल्याण रेल्वे पोलिसांनी तीन पदके नियुक्त केले असून सीसीटीव्ही खबऱ्यांच्या मदतीने या गुन्ह्याचा तपास सुरू केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.