Gokul Milk Price: शेतकऱ्यांना मोठा धक्का! गोकुळ दूध खरेदीत ३ रुपयांनी कपात

शेतकऱ्यांसाठी महत्त्वाची बातमी आहे. गोकुळ दूध संघटनेकडून गायीच्या दूध खरेदी दरात ३ रुपयांनी कपात करण्यात आली आहे. गोकूळ गायीचे दूध याआधी ३३ रुपयांनी खरेदी करत होते. त्यानंतर आता या दरात कपात केली आहे. त्यामुळे शेतकऱ्यांना फटका बसणार आहे.शेतकऱ्यांकडून फक्त ३० रुपयांत दूध खरेदी केले जाणार आहे.

गोकुळ दूध संघटनेचा हा निर्णय शेतकऱ्यांसाठी खूप धक्कादायक आहे. निवडणुक संपताच गोकुळने हा निर्णय घेणे हा शेतकऱ्यांसाठी खूप मोठा धक्का आहे. गोकुळ दुधाला जास्त भाव मिळावा, यासाठी शेतकऱ्यांनी आंदोलन केले होते. त्यानंतर सरकारने शेतकऱ्यांना ३५ रुपये भाव दिला होता. ३० रुपये स्थायी भाव तर ५ रुपये अनुदान दिले होते. मात्र, आता या दरांमध्ये कपात करण्यात आली आहे.

गोकुळ दुधाच्या खरेदी दरात ३ रुपयांनी कपात केली आहे. त्यामुळे आता शेतकऱ्यांकडून ३० रुपयांनी गोकुळ दूध खरेदी केले जाणार आहे. गेल्या अनेक दिवसांपासून दूधाचे दर ४० रुपये व्हावे, यासठी शेतकऱ्यांनी आंदोलन केले होते. परंतु आता दूध खरेदीचे भाव ३० रुपये केल्याने शेतकऱ्यांना चांगलाच फटका बसणार आहे.