लोकसभा निवडणुकीतला अजित पवारांचा पराभव ताजा असतानाच आता बारामतीतल्या विधानसभेच्या उमेदवारीवरून राष्ट्रवादीच्या दोन्ही पक्षांमध्ये जोरदार चर्चा सुरू झालीय. विधानसभेतही पवार विरूद्ध पवार सामना रंगण्याची शक्यता आहे.
कारण बारामतीतल्या कार्यकर्त्यांनी दादा बदलण्याचा आग्रह धरलाय. शरद पवार यांनी लोकसभा निवडणुकीनंतर पहिलाच बारामतीचा दौरा केला. गोविंद बागेत त्यांना भेटण्यासाठी अनेक कार्यकर्ते आले होते.
यावेळी कार्यकर्त्यांनी पवारांकडे मागणी केली की, ''गाव पुढाऱ्यांपुढे आमचे काही चालत नाही. युग्रेंद्र दादांनी शब्द दिलाय. मी आहे तुम्ही फक्त लढा, म्हणून आम्ही इथे आहोत. युगेंद्रदादांपेक्षा कोणी उमेदवार नाहीये, दादांनाच उमेदावारी मिळावी एवढी इच्छा आहे. युगेंद्रदादांना तुम्ही ताकद द्या. आम्ही सगळे त्यांच्या बरोबर आहोत. आमचं दादांकडे लक्ष फक्त तुम्ही लक्ष द्या.''
बारामतीतल्या कार्यकर्त्यांनी त्यांच्या साहेबांना उमेदवार बदलण्याबाबत आग्रह धरल्यानंतर पवारांनी उमेदवारीबाबत चर्चा न करण्याचा सल्ला उत्साही कार्यकर्त्यांना दिला. शरद पवार म्हणाले आहेत की, ''उमेदवारीबाबत आता चर्चा नको.''
बारामती लोकसभा निवडणुकीत नणंद आणि भावजयमध्ये सामना रंगला होता. मात्र यारूपानं पवार काका-पुतण्यातच ख-या अर्थानं संघर्ष झाला होता. आता बारामतीचा दादा बदलण्याचा नाराच कार्यकर्त्यांनी दिल्यामुळे विधानसभा निवडणुकीतही पुन्हा बारामतीत काका विरूद्ध पुतण्या असाच संघर्ष रंगण्याची शक्यता आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.