बदलापूरमध्ये एका नामांकित शाळेत शिक्षकानेच विद्यार्थिनीचा विनयभंग केल्याची घटना घडली आहे. याप्रकरणी बदलापूर पूर्व पोलिसांनी विनयभंगासह पोक्सो कायद्यांतर्गत गुन्हा दाखल करत नराधम शिक्षकाला बेड्या ठोकल्या आहेत. (badlapur latest marathi news)
बदलापूर पूर्वेतील एका नामांकित शाळेतील एक शिक्षक पीटी आणि भूगोल याचे तास घेतात शनिवारी सकाळच्या सुमारास त्याने शाळेत दहावीच्या वर्गात शिकणाऱ्या एका विद्यार्थिनीला क्रीडा साहित्याच्या रूममधून गाडीची चावी आणण्यासाठी पाठवलं. (Maharashtra News)
त्यानंतर तिच्या मागे मागे जात त्याने क्रीडा साहित्याच्या रूमचा दरवाजा बंद केला व विद्यार्थिनीचा विनयभंग केला. या प्रकाराची माहिती विद्यार्थिनीने पालकांना देताच पालकांनी तिला घेऊन बदलापूर पूर्व पोलीस (police) स्टेशन गाठलं.
पालकांनी शिक्षकाविरोधात तक्रार केली. त्यानुसार बदलापूर पूर्व पोलिसांनी संबंधित शिक्षकावर विनयभंग आणि पोक्सो कायद्यांतर्गत गुन्हा दाखल केला आहे. या घटनेमुळे पालक वर्गात मात्र तीव्र संतापाची लाट उसळली असून अशा शिक्षकांवर फक्त पोलिसांनीच नव्हे तर शाळेने (school) सुद्धा कठोर कारवाई करण्याची मागणी पालक वर्गातून केली जातेय.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.