Pune Accident : डान्सर गौतमी पाटीलच्या कारचा अपघात, मुंबई-बेंगळूरू महामार्गावर घडली दुर्घटना

प्रसिद्ध डान्सर गौतमी पाटीलच्या वाहनाचा अपघात झाल्याची घटना घडली आहे. गौतमी पाटीलच्या वाहनाने रिक्षाला धडक दिली. पुण्यातील मुंबई-बेंगळूरू राष्ट्रीय महामार्गावरील वडगाव बुद्रुक परिसरात आज मंगळवारी पहाटे पाच वाजता हा अपघात घडला. या अपघातात रिक्षाचालक जखमी झाला आहे. या अपघात प्रकरणी पोलिसांनी गौतमी पाटीलच्या चालकाला ताब्यात घेतलं आहे. तर सुदैवाने अपघातावेळी गौतमी पाटील वाहनात नव्हती.

गौतमी पाटीलच्या वाहनाने मुंबई-बेंगळूरू राष्ट्रीय महामार्गावरील वडगाव बुद्रुक परिसरात गौतमी पाटीलच्या कारने रिक्षाला उडवलं. वडगाव बुद्रुक परिसरात आज मंगळवारी पहाटे झालेल्या अपघातात रिक्षाचालक जखमी झाला आहे. तर या अपघात प्रकरणी पोलिसांनी गौतमी पाटीलच्या वाहन चालकाला ताब्यात घेतलं आहे.

अपघातात रिक्षाचालक जखमी

या अपघातात गौतमी पाटीलच्या वाहनाने एका रिक्षाला धडक दिल्यामुळे रिक्षा चालकासह २ प्रवासी जखमी झाल्याची माहिती मिळत आहे. अपघात घडला, त्यावेळी गौतमी पाटील कारमध्ये नव्हती. सामाजी विठ्ठल मरगळे असे जखमी झालेल्या रिक्षा चालकाचे नाव आहे.

कसा घडला अपघात?

गौतमी पाटीलच्या वाहनाची वडगाव पुलाजवळ असलेल्या एका हॉटेलसमोर रिक्षाला पाठीमागून जोरदार धडक बसली. या अपघातात रिक्षाचे मोठं नुकसान झालं. तर अपघातात रिक्षाचालकासह दोन प्रवासी जखमी झाले. अपघातातील जखमींना स्थानिकांच्या मदतीने तातडीने जवळच्या रुग्णालयात उपचारासाठी दाखल करण्यात आलं आहे. या अपघातावेळी गौतमी कारमध्ये नसल्याची माहिती पोलिसांनी दिली आहे.

या अपघातानंतर कारचालक फरार झाला होता. मात्र सीसीटीव्ही फुटेज तपासून सिंहगड रोड पोलिस ठाण्याच्या कर्मचाऱ्यांनी चालकाला ताब्यात घेतले आहे. चालकाने मद्य प्राशन केले होते का नाही, याबाबत वैद्यकीय चाचणी केल्यानंतर अहवालातून स्पष्ट होणार आहे.