Ahmednagar Fire News : साई मिडास टच कॉम्प्लेक्सला भीषण आग, रुग्णालय जळून खाक (पाहा व्हिडिओ)

- सुशिल थाेरात

Ahmednagar News :

सावेडी येथील साई मिडास टच या कॉम्प्लेक्सला आज (मंगळवार) भीषण आग लागली. या आगीची माहिती कळताच अहमदनगर महापालिकेचे अग्निशामक दल घटनास्थळी रवाना झाले. प्राथमिक माहितीनूसार या आगीत एचडीबी फायनान्स आणि स्वास्तिक नेत्रालय हॉस्पिटल (swastik netralaya and maternity hospital ahmednagar) जळून खाक झाले आहे. (Maharashtra News)

साई मिडास टच या कॉम्प्लेक्सला आग कशामुळे लागली हे स्पष्ट झालेले नाही. ही आग माेठ्या प्रमाणात भडकल्याने आजूबाजूच्या दुकानांना त्याची झळ बसली. अहमदनगर महापालिकेचे अग्निशामक दलाने आग विझविण्यासाठी शर्थीचे प्रयत्न केले. आगीवर नियंत्रणासाठी मारलेल्या पाण्यामुळे आकाशात माेठ्या प्रमाणात धूर दिसू लागला.

या धूरामुळे लांब पल्ल्याहून नागरिक नेमकं काय झाले हे पाहण्यासाठी घटनास्थळी दाखल हाेत हाेते. यामुळे घटनास्थळी नागरिकांची गर्दी वाढतच हाेती. यामुळे नगर मनमाड महामार्गावरील वाहतुकीची काेंडी झाली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या आगीत नेमकं किती नुकसान झाले याची माहिती मिळू शकली नाही परंतु प्राथमिक माहितीनूसार या आगीत एचडीबी फायनान्स आणि स्वास्तिक नेत्रालय हॉस्पिटल जळून खाक झाल्याचे सांगण्यात येत आहे.

Edited By : Siddharth Latkar