सागर आव्हाड, साम टीव्ही
महाराष्ट्रातील बार आणि रेस्टॉरंट उद्या सोमवारी बंद राहणार आहे. त्यामुळे मद्यप्रेमींचे हाल होणार आहेत. बार आणि रेस्टॉरंट बंद असल्यामुळे पेग रिचविण्यासाठी आणि त्यासाठी सेवा देणाऱ्या बार-रेस्टॉरंटमध्ये सोमववारी बसता येणार नाही. महाराष्ट्रातील सर्व बार आणि रेस्टॉरंट सोमवारी बंद राहणार असल्याचं जाहीर करण्यात आलं आहे. राज्यातील सुमारे 20,000 बार मालकांनी संपावर जाण्याचा इशारा दिला आहे. यामध्ये मुंबई, पुण्यासह आसपासच्या परिसरातील 8,000 बारचा समावेश आहे.
राज्य सरकारने उत्पादन शुल्कात थेट 60% वाढ केली आहे. याचा बार चालकांकडून विरोध केला जात आहे. याआधीच्या सरकारच्या माध्यमातून 10 टक्के व्हॅट सुद्धा लावण्यात आला होता. आता परवाना शुल्कात देखील थेट 15% टक्क्यांची वाढ करण्यात आली आहे. या सगळ्या विरोधात सोमवारी उद्या बार चालकांनी संप पुकारलाय.
महाराष्ट्र शासनाने केलेल्या करवाढ 'अन्यायकारक करांची त्सुनामी' असल्याचे म्हटलं आहे. या करवाढीमुळे अनेक व्यवसाय आणि हजारो नोकऱ्या संकटात आल्याचे बार मालकांनी म्हटलंय. करांबद्दल बोलत असताना बार मालक गणेश शेट्टी यांनी म्हटलं की, एका वर्षापेक्षा कमी कालावधीत, दारूवरील मूल्यवर्धित कर 5 टक्क्यांवरून थेट 10 टक्क्यांपर्यंत वाढवण्यात आलाय. यानंतर आर्थिक वर्ष 2025-26 साठी परवाना शुल्कात 15 टक्क्यांनी वाढ झाली. आता उत्पादन शुल्कात 60 टक्के वाढ झाल्याने बार चालवणे कठीण झालंय, अशी भावना गणेश शेट्टी यांनी व्यक्त केली.
दारुवर कितीही कर वाढवला तरी ज्यांना दारू प्यायची, ते कितीही पैशात दारूचे पेग रिचवतील. त्यामुळे बार बंद ठेवून काही होणार नसल्याचे ग्राहकांनी सांगितलं. जे लोक बारमधून दारू पीत होते, ते आता रस्त्यावर पिताना दिसतील. त्यामुळे रस्त्यावर भांडण मारामाऱ्या होऊ शकतात अशी भीतीही मद्यप्रेमींनी व्यक्त केली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.