DRDO Pradeep Kurulkar Update : डॉ. प्रदीप कुरुलकरांचे महिलेसोबत विवाहबाह्य संबंध, दोषारोपत्रातून अनेक धक्कादायक गोष्टी उघड

Pune News : संरक्षण संशोधन आणि विकास संस्था अर्थात डीआरडीओच्या (DRDO) पुणेचे संचालक आणि वरिष्ठ शास्त्रज्ञ डॉ. प्रदीप कुरुलकर यांच्या अडचणीत आणखी वाढ होण्याची शक्यता आहे. प्रदीप कुरुलकर यांचे एका महिलेसोबत विवाहबाह्य संबंध असल्याची बाब समोर आली आहे. कुरुलकर यांच्या दोषारोपपत्रात अनेक धक्कादायक गोष्टी हळूहळू समोर येत आहेत.

डॉ. प्रदीप कुरुलकर यांचे ज्या महिलेशी विवाहबाह्य संबंध होते तिच्यासोबत केलेले व्हॉटसअप चॅटिंग एटीएसच्या हाती लागली आहे. मात्र या महिलेने अद्याप कोणतीही तक्रार केलेली नाही. संबंधित महिलेने तक्रार केल्यास कुरुलकर यांच्यावर आणि गुन्हे दाखल होऊ शकतात.

हनी ट्रॅपमध्ये अडकलेल्या कुरुलकर यांनी पाकिस्तानी एजंटला गोपनीय माहिती दिल्याची माहिती समोर आली होती. त्यातून त्यांना अटक करण्यात आली आहे. सध्या त्यांना २१ जुलैपर्यंत न्यायालयीन कोठडी सुनावण्यात आली आहे.

पाकिस्तानी हेरासोबत केलेले व्हॉट्सॲप चॅटमध्ये त्यांनी अनेक भारतीय संरक्षण दलाची अनेक संवेदनशील माहिती दिल्याचे समोर आलं आहे. कुरुलकर यांनी पाकिस्तानी गुप्तचर झारा दासगुप्तासोबत अनेक अॅपच्या माध्यमातून चॅटिंग केल्याचं समोर आलं आहे.

चॅटिंगद्वारे कुरुलकर यांनी भारताच्या क्षेपणास्त्र मोहिमेची अतिशय संवेदनशील माहिती पाकिस्तानला दिल्याचं स्पष्ट झालं आहे.