Dombivli : डोंबिवली हादरले! ३ रिक्षा चालकाने महिलेवर केला सामूहिक बलात्कार

संघर्ष गांगुर्डे, साम टीव्ही प्रतिनिधी

Kalyan gang rape case auto drivers arrested details : डोंबिवलीमध्ये ३ रिक्षा चालकांनी महिलेवर सामूहिक बलात्कार केल्याची संतापजनक घटना घडली. येथील खंबाळपाडा परिसरात महिलेवर ३ जणांनी बलात्कार केल्याची घटना उघडकीस आल्यानंतर शहरात एकच खळबळ उडाली. मिळालेल्या माहितीनुसार, पीडित महिला कल्याणमध्येच एका खासगी सुरक्षा एजन्सीमध्ये कामाला आहे.

महिलेवर सामूहिक बलात्कार झाल्याची घटना समोर आल्यानंतर डोंबिवलीमध्ये एकाच संतापाची लाट उसळली आहे. महाराष्ट्राचा बिहार झाला आहे का? असा संतप्त सवाल डोंबिवलीकरांकडून विचारला जात आहे. पीडित महिलेने पोलिसांत धाव घेतली. घटनेचे गांभीर्य लक्षात घेऊन डोंबिवली पोलिसांकडून तात्काळ तपासाची चक्रे फिरवण्यात आली. पोलिसांनी काही तासांच्या आतच आरोपींना बेड्या ठोकल्या.

महिलेवर सामूहिक बलात्कार केल्याप्रकरणात पोलिसांनी तिन्ही आरोपींना बेड्या ठोकल्या. टिळक नगर पोलिसांनी रिक्षा चालक चेतन चौहान, हेमंत चौहान, उमेश वर्मा या तिघांच्या मुसक्या आवळल्या. पोलिसांनी बलात्काराचा गुन्हा दाखल केला असून कसून तपास केला जात आहे. महिलेचा जबाब नोंदवल्यानंतर आता तिन्ही आरोपींना पोलिसांकडून कसून चौकशी केली जात आहे. बलात्काराच्या या घटनेनंतर कल्याण डोंबिवलीमध्ये संतापाची लाट उसळली आहे.

सोलापूरची राहणारी ही महिला डोंबिवलीत एका सुरक्षा रक्षक एजन्सीमध्ये काम करते. तिची ओळख असलेल्या रिक्षाचालक मित्रांनी तिला पार्टीसाठी खंबाळपाडा येथील एका फ्लॅटवर नेले. पार्टी झाल्यानंतर या तिघांनी महिलेवर आळीपाळीने बलात्कार केला. या घटनेनंतर पीडित महिलेने टिळकनगर पोलीस ठाण्यात तक्रार दिली. टिळकनगर पोलीस ठाण्याचे वरिष्ठ पोलीस निरीक्षक विजय कदम यांनी त्वरित गुन्हा दाखल करून तिन्ही रिक्षाचालकांना अटक केली आहे. चेतन चौहान, हेमंत चौहान आणि उमेश वर्मा अशी या तिघांची नावे असून ते डोंबिवलीत रिक्षा चालवतात. पुढील तपास टिळकनगर पोलीस करीत आहेत.