पुण्यात दिवसाला 10 घटस्फोट; हजारो पुणेकर का घेतायत काडीमोड? VIDEO

उत्साहात व्हँलेटाईंन आठवडा साजरा करुन प्रेमाच्या आणाभाका घेऊन झाल्या असतील तर जरा ही बातमी डोळे उघडून पाहा आणि लक्ष देऊन ऐका... सांस्कृतिक शहर असणाऱ्या पुण्यात दिवसाला 10 - 10 जोडप्यांचे घटस्फोट होऊ लागलेत. होय एकएका दिवसाला 10 हून अधिक जोडपे घटस्फोटासाठी थेट न्यायालयात धाव घेतायेत. ही आकडेवारी धक्कादायक असून लग्नसंस्थेला संकटात आणणारी आहे असं म्हणलं तरी चुकीचं ठरणार नाही.

पुण्यात घटस्फोटांचा पूर

शिवाजीनगर कौटुंबिक न्यायालयात घटस्फोट प्रकरणात वाढ

दरवर्षी 4,000 पेक्षा अधिक घटस्फोट अर्ज

सरासरी दररोज 10 हून अधिक जोडप्यांचे अर्ज

घरगुती हिंसाचारात 50% घट

पूर्वी घरगुती हिंसाचारामुळे विभक्त होण्याचं अधिक असायचं मात्र आता घरगुती हिंसाचाराचं प्रमाण 50 टक्क्यांनी कमी झालं असलं तरी देखील वैष्णवी हागवणे, दिप्ती चौधरी आत्महत्या प्रकरणं विसरुन चालणार नाही. 2024 या एका वर्षात 5 हजार ते साडेपाच हजार विवाह नोंदणी झालेली असतांना 4000 पेक्षा अधिक जोडप्यांनी विभक्त होण्याचा निर्णय घेतलाय..त्यामुळेच घटस्फोटांच्या कारणांकडे गांभिर्यानं पाहणं गरजेचंय.

घटस्फोटांची नवी कारणं

बदलती जीवनशैली आणि नातेसंबंधांमधील तणाव

कामाच्या ताणामुळे निर्माण होणारा दुरावा

भावनिक आणि आर्थिक मतभेद

वैयक्तिक स्वातंत्र्याचा हक्क

अशा एक ना अनेक कारणांमुळे हल्ली तरुण जोडप्यांमध्ये घटस्फोटांचे प्रमाण वाढत चाललंय. अत्यंत क्षुल्लक कारणंही नातेसंबंधांमधील तणावासाठी मोठी ठरतायेत. लग्नसंस्था टिकवायची असेल तर प्रेमाचं नातंच अधिक बळकट करणं गरजेचं आहे.