अनिल देशमुख पुन्हा अडचणीत; सीबीआयकडून आणखी एक गुन्हा दाखल, काय आहे प्रकरण?
Anil Deshmukh vs Devendra FadnavisSaam tv

Anil Deshmukh vs Devendra Fadnavis: अनिल देशमुख पुन्हा अडचणीत; सीबीआयकडून आणखी एक गुन्हा दाखल, काय आहे प्रकरण?

Anil Deshmukh latest news : माजी गृहमंत्री अनिल देशमुख यांच्यासमोर पुन्हा अडचणी आल्या आहेत. सीबीआयने त्यांच्याविरोधात आणखी एक गुन्हा दाखल केला आहे. काय आहे प्रकरण? जाणून घ्या.
Published on

सुनील काळे, साम टीव्ही प्रतिनिधी

मुंबई : माजी गृहमंत्री अनिल देशमुख हे पुन्हा एकदा अडचणीत सापडले आहेत. माजी गृहमंत्री अनिल देशमुख यांच्यावर पुन्हा सीबीआयने गुन्हा नोंदवला आहे. अनिल देशमुख यांच्यावर १०० कोटींच्या कथित वसुलीचा आरोप असून ते याच प्रकरणात जामीनावर बाहेर आहेत. आता देखमुख यांच्यावर पुन्हा गुन्हा दाखल झाल्याने त्यांनी देवेंद्र फडणवीस यांच्यावर गंभीर आरोप केले आहेत.

माजी गृहमंत्री अनिल देशमुख यांच्यावर सीबीआयने आणखी एक गुन्हा दाखल केला आहे. अनिल देशमुख यांनी 'एक्स' मीडियावर पोस्ट करत याबााबत माहिती दिली. त्यानंतर या पोस्टमधून अनिल देशमुख यांनी देवेंद्र फडणवीसांना आव्हान दिलं आहे. गुन्हा दाखल झाल्यानंतर अजिबात घाबरणार नसल्याचे म्हणत अनिल देशमुख यांनी देवेंद्र फडणवीसांवर निशाणा साधला आहे. यावेळी धन्यवाद, देवेंद्र फडणवीस म्हणत देशमुखांनी त्यांच्यावर उपरोधिक टोला लागवला आहे.

अनिल देशमुख पुन्हा अडचणीत; सीबीआयकडून आणखी एक गुन्हा दाखल, काय आहे प्रकरण?
Kalyan News: गणपत गायकवाड-महेश गायकवाड भिडले, त्याच जमिनीवरून पुन्हा राडा

अनिल देशमुख काय म्हणाले?

अनिल देशमुख पोस्ट करत म्हणाले, 'आज माझ्यावर सीबीआयकडून आणखी एक तथ्यहीन गुन्हा दाखल केला गेलाय. जनतेचा कौल बघून देवेंद्र फडणवीसांच्या पायाखालची वाळू घसरल्याने हे कटकारस्थान सुरू झालं आहे. या अशा धमक्यांना आणि दबावाला मी अजिबात भीक घालत नाही. न झुकता- न डगमगता मी भाजपच्या या दडपशाही विरुद्ध लढण्याची खूनगाठ बांधली आहे'.

'महाराष्ट्रात देवेंद्र फडणवीसांकडून (Devendra Fadnavis) किती खालच्या पातळीचे आणि विकृत मानसिकतेचे घाणेरडे राजकारण सुरू आहे ते जनतेने बघावे. लोकसभा निवडणुकीत या कारस्थानी नेतृत्वाला जनतेने जागा दाखवून दिली आहे, आता महाराष्ट्राची जनता विधानसभा निवडणुकीची वाट बघत आहे, असे देशमुख म्हणाले.

अनिल देशमुख पुन्हा अडचणीत; सीबीआयकडून आणखी एक गुन्हा दाखल, काय आहे प्रकरण?
Vanraj Andekar Case: वनराज आंदेकरांच्या हत्या प्रकरणात नवा ट्विस्ट, हत्येमागचा खरा सूत्रधार आणि कारण उघड

दरम्यान, अनिल देशमुख (Anil Deshmukh) यांच्यावर आणखी एक गुन्हा दाखल झाल्याने त्यांच्या अडचणीत भर पडली आहे. देशमुखांवर आणखी एक गुन्हा दाखल केल्यानंतर त्यांनी देवेंद्र फडणवीसांना लक्ष्य केलं आहे. देशमुखांनी देवेंद्र फडणवीसांवर गंभीर आरोप केले आहेत. अनिल देशमुखांनी आरोप केल्यानंतर देवेंद्र फडणवीस काय प्रत्युत्तर देतात, हे पाहावे लागेल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com