Mahanagarpalika Elections Result Live: ना ठाकरे, ना भाजप...मुंबईत काँग्रेसनंच उघडलं पहिलं विजयाचं खातं, शेवाळेंना दणका

ठाकरेंच्या मुंबईमध्ये पहिला विजय काँग्रेसने मिळवलाय. मतमोजणीला सुरूवात झाल्यानंतर दोन तासांच्या आत काँग्रेसच्या उमदेवाराने विजयी पतका फडकावली. भाजप आणि ठाकरेंच्या शिवसेनेच्या लढतीकडे सर्वांच्या नजरा असतानाच काँग्रेसने मजबूत पकड मिळवली आहे. मुंबईमध्ये काँग्रेसचे १५ पेक्षा जास्त उमेदवार उघाडीवर आहेत. सुरूवातीच्या कलांमध्ये भाजप आणि ठाकरेंमध्ये जोरदार टक्कर पाहायला मिळत आहे. ही लढत सुरू असतानाच काँग्रेसने मुंबईत पहिलं विजयाचे खाते उघडलेय.

मुंबईत काँग्रेसने खाते उघडले -

मायानगरी मुंबईमध्ये कुणाची सत्ता येणार, याकडे सर्वांच्या नजरा लागल्या आहेत. भाजप, ठाकरेंमध्ये जोरदार लढत सुरू आहे. मुंबईमध्ये काँग्रेसने पहिला विजय मिळवला आहे. प्रभाग - १८३ मध्ये काँग्रेसच्या आशा दीपक काळे यांनी विजय मिळवला आहे. मनसे आणि शिंदेंच्या शिवसेनेचा त्यांनी दारूण पराभव केला.

काँग्रेसने मुंबईत पहिला विजय मिळवत बाजी मारली आहे. मुंबईमध्ये पहिला कौल काँग्रेसच्या पारड्यात गेला आहे. प्रभाग क्रमांक १८३ मधून आशा काळे यांनी १४५० मतांनी विजय मिळवला आहे. त्यांनी मनसेच्या पारुबाई कटके आणि शिवसेनेच्या वैशाली शेवाळे यांचा पराभव केला. तर राष्ट्रवादीच्या राजश्री खाडे यांनाही पराभवाचा सामना करावा लागला.

शिवसेना खासदारांना धक्का -

शिंदेंच्या शिवसेनेचे खासदार राहुल शेवाळे यांना काँग्रेसने जोरदार धक्का दिला आहे. प्रभाग क्रमांक १८३ मधून आशा काळे आणि वैशाली शेवाळे यांच्यामध्ये काटे कीं टक्कर झाली. यामध्ये काँग्रेसच्या आशा काळे यांनी १४५० मतांनी विजय मिळवला. वैशाली शेवाळे या खासदार राहुल शेवाळे यांच्या वहिणी आहेत.