Maharashtra Elections Result Live Update : शरद पवारांच्या राष्ट्रवादीचे नाशिक शहराध्यक्ष गजानन शेलारांचा राजीनामा

नागपूर महानगरपालिकेची सार्वत्रिक निवडणूक काल पार पडल्यानंतर प्रशासन मतमोजणीसाठी सज्ज आहे. आज सकाळी १० वाजता या मतमोजणी प्रक्रियेला सुरुवात होईल. निकालाचा प्राथमिक कल दुपारी १ वाजेपर्यंत स्पष्ट होण्याची शक्यता प्रशासनाने व्यक्त केली आहे. मतमोजणी प्रक्रिया कोणत्याही अडथळ्याविना पार पाडण्यासाठी महापालिका प्रशासनाने सर्व तयारी पूर्ण केली असून निवडणूक कामकाजासाठी ३,५७९ कर्मचारी केंद्राध्यक्ष म्हणून, तर १०,७३७ कर्मचारी मतदान अधिकारी म्हणून नियुक्त करण्यात आले आहेत. ३८ प्रभागांतून रिंगणात असलेल्या ९९३ उमेदवारांच्या भाग्याचा फैसला आज होणार आहे. त्यामुळे पोस्टल बॅलेटमध्ये कोण पुढे, तर ईव्हीएम कुणाला तारणार याची उत्सुकता आता मतदारांना लागली आहे.

प्रशांत जगताप यांना त्यांच्या मातोश्री यांनी केले औक्षण

राष्ट्रवादीला सोडून प्रशांत जगताप यांनी केला प्रवेश

प्रभाग १८ वानवडी साळुंखे विहार मधून प्रशांत जगताप महापालिका निवडणूक लढवत आहेत

गजानन शेलारांची पक्षातून हकालपट्टी होणार असल्याची होती चर्चा

निवडणूक काळात पक्षाच्या बड्या नेत्यांनी नाशकात सभा न घेतल्याचा आरोप

शेलारांच्या निवडणूक काळातील कामगीरीवर पक्षाचे वरीष्ठ नेते होते नाराज

गजानन शेलार यांनी पुतण्यासाठी भाजपचा प्रचार केल्याचीही चर्चा

शेलार यांचा पुतण्या राहुल शेलार भाजपकडून प्रभाग 13 मध्ये आहे रिंगणात

सांगली, मिरज आणि कुपवाड शहर महानगरपालिकेसाठी एकूण 61.3 टक्के मतदान झाले आहे. सायंकाळी साडेसात वाजेपर्यंत मतदानाची प्रक्रिया सुरू होती. दुपारी साडेतीन वाजेपर्यंत केवळ 41.79 टक्के मतदान झाले होते. दुपारनंतर मात्र मतदारांनी मतदानासाठी रांगा लावल्याचे दिसून आले. सांगली, मिरज आणि कुपवाड शहर महानगरपालिकेची मतदानाची एकूण टक्केवारी हाती आली असून 61.3 टक्के मतदान झाल आहे . तर 2018 साली झालेल्या पंचवार्षिक निवडणुकीमध्ये 62.17 टक्के मतदान झाले होते. यंदाच्या निवडणुकीत मतदानाचा टक्का घटल्याने सर्वच उमेदवारांची धाकधूक वाढली आहे.

नागपूर महानगरपालिकेच्या 151 नगरसेवकांचा आज होणार फैसला

नागपूर शहरातील मनपाच्या झोननुसार 10 ठिकाणी स्थापन करण्यात आली आहे मतमोजणी केंद्र

सकाळी 10 वाजेपासून सुरू होणार मतमोजणी

एक निवडणूक निर्णय अधिकाऱ्याकडे ईव्हीएमसाठी 20 आणि टपाल मतदानासाठी 4 टेबल ठेवण्यात आले आहेत

प्रत्येक टेबलावर एक पर्यवेक्षक आणि एक सहायकाची नियुक्ती करण्यात आली आहे

प्रभागाच्या क्रमवारीनुसार एकएक प्रभागाचा निकाल जाहीर करण्यात येणार आहे

ज्यामुळे निकाल स्पष्ट होण्यासाठी उशीर होण्याची शक्यता आहे

मनपाच्या एकूण 38 पैकी 37 प्रभाग चार सदस्यीय आणि एक प्रभाग तीन सदस्यीय आहे

महापालिका निवडणुकीनंतर भाजप जिल्हा परिषद निवडणुकीच्या तयारीला

जिल्हा परिषद आणि पंचायत समिती निवडणुकीसंदर्भात आज भाजपची पुण्यात महत्त्वपूर्ण बैठक

मंत्री चंद्रकांत पाटील आणि मुरलीधर मोहोळ यांच्या प्रमुख उपस्थितीत भाजप शहर कार्यालयात पार पडणार बैठक

यावेळी पुणे जिल्ह्यातील भाजपचे प्रमुख पदाधिकारी उपस्थित राहणार

आज सकाळी दहा वाजता बैठकीचे आयोजन

नाशिक महापालिकेच्या सातव्या पंचवार्षिक निवडणुकीसाठी गुरुवारी अटीतटीची लढत झाल्यानंतर आज मतमोजणी होणार आहे. त्यानंतर नाशिक कोणाचे ? याचा फैसला होणार आहे. शंभर प्लसची घोषणा करणारी भारतीय जनता पक्ष, की त्यांना मात देणारी शिंदेची शिवसेनासेना- अजित पवारांची राष्ट्रवादीराची युती अथवा महाविकास आघाडी याचा फैसला या निवडणुकीत होणार आहे. नाशिक महापालिकेची सार्वत्रिक निवडणूक मतदान प्रक्रिया गुरुवारी पार पडल्यानंतर सायंकाळी सील केलेले ईव्हीएम आणि अन्य सर्व साहित्य स्ट्राँगरूममध्ये पोहोचवण्यात आले आहे. सकाळी दहा वाजेपासून मतमोजणी होणार आहे. पहिला निकाल साधारण दीड तासात लागणे अपेक्षीत आहे. ६०० निवडणूक कर्मचारी आणि ३००० पोलीस कर्मचारी या दरम्यान कर्तव्यावर असणार आहे, तर कुठल्याही उमेदवाराला विजयी झाल्यानंतर प्रभागातून मिरवणूक काढता येणार नाही, त्यावर बंदी घालण्यात आली आहे.

शहरात मतमोजणीचे चार केंद्र आहेत त्या चारही केंद्राच्या परिसरात पोलिसांचा मोठा बंदोबस्त असणार आहे.

मतमोजणी वेळी गोंधळ टाळण्यासाठी 200 ते 300 मीटर अंतरावर बॅरिगेट्स करण्यात आली आहे.

मतमोजणी वेळी होऊ नये यासाठी पोलीस प्रशासनाने मतमोजणी केंद्रापासून 200 ते 300 मीटर अंतरावर बॅरिकेट्स लावून रस्ते बंद केले.

पुणे शहरात ४१ प्रभागातील १६३ नगरसेवकांसाठी मतदान प्रक्रिया संपन्न

१८ लाख ६२ हजार पुणेकरांनी बजावला मतदानाचा हक्क

सकाळच्या सत्रात मतदानाचा वेग कमी मात्र संध्याकाळी मोठ्या संख्येने पुणेकर पडले बाहेर

एकूण मतदार: १८ लाख ६२ हजार ४०८

पुरुष मतदार: ९ लाख ७३ हजार ५०३

महिला मतदार: ८ लाख ८८ हजार ८०९

इतर मतदार: ९६

सर्वाधिक मतदान झालेला प्रभाग: शिवणे खडकवासला प्रभाग ३३ (५८ टक्के)

सर्वात कमी मतदान झालेला प्रभाग: औंध बोपोडी, प्रभाग ८ (४५ टक्के)

ठाणे महानगरपालिका सार्वत्रिक निवडणुकीसाठी काल झालेल्या मतदानाच्या प्राप्त आकडेवारीनुसार एकूण 55.59 टक्के मतदान झाले असल्याची माहिती आयुक्त तथा निवडणूक अधिकारी सौरभ राव यांनी दिली.

ठाणे महानगरपालिकेच्या एकूण 33 प्रभागांमध्ये एकूण 2013 मतदान केंद्रावर गुरूवारी मतदान प्रक्रिया पार पडली. या 33 प्रभागांमध्ये 8 लाख 63 हजार 879 पुरूष, 7 लाख 85 हजार 831 महिला आणि 159 इतर असे एकूण 16 लाख 49 हजार 869 मतदार होते. त्यापैकी 483698 पुरूष , 433385 स्त्री आणि 40 इतर असे एकूण 917123 मतदारांनी मतदानाचा हक्क बजावला आहे.

पिंपरी चिंचवड महानगरपालिका सार्वत्रिक निवडणूक २०२५-२६ च्या अनुषंगाने वयोवृद्ध, महिला आणि दिव्यांग तसेच इतर मतदारांसह नवोदित मतदारांनी आपल्या मतदानाचा हक्क बजावत लोकशाहीच्या महाउत्सवात उस्फुर्तपणे सहभाग नोंदविला. सकाळी ७.३० वाजता सुरू झालेली मतदान प्रक्रिया सुरळीत व शांततापूर्ण वातावरणात पार पडली असून सुमारे सरासरी ५७.७१ टक्के मतदान झाले आहे, अशी माहिती आयुक्त तथा निवडणूक अधिकारी श्रावण हर्डीकर यांनी दिली आहे.

मतदारसंघातील दर दोन तासांची सरासरी मतदान टक्केवारी

८ निवडणूक निर्णय अधिकारी कार्यालयअंतर्गत सर्व मतदान केंद्रांवर मतदारांनी सकाळपासूनच मतदानासाठी उस्फुर्त प्रतिसाद दिला. सकाळी ९.३० वाजेपर्यंत ६.५६ टक्के मतदान झाले. तर सकाळी ११.३० वाजेपर्यंत मतदानाच्या प्रमाणात वाढ होऊन ते १६.३ टक्के इतके झाले. दुपारी १.३० वाजेपर्यंत मतदानाचे प्रमाण २८.१५ टक्के इतके झाले. त्यानंतर दुपारी ३.३० वाजेपर्यंत सरासरी ४०.५ टक्के मतदान पार पडले. सायंकाळी ५.३० वाजेपर्यंत सरासरी ५७.७१ टक्के मतदान पुर्ण झाले. सायंकाळच्या सत्रात मतदार अधिक संख्येने मतदान केंद्राकडे मतदानासाठी येत होते.

प्रभागनिहाय मतदान टक्केवारी -

प्रभाग क्र. १ – ६०.६१ टक्के

प्रभाग क्र. २ – ६४.९१ टक्के

प्रभाग क्र. ३ – ६०.९७ टक्के

प्रभाग क्र. ४ – ५७.०८ टक्के

प्रभाग क्र. ५ – ६१.५८ टक्के

प्रभाग क्र. ६ – ५५.७२ टक्के

प्रभाग क्र. ७ – ५८.३७ टक्के

प्रभाग क्र. ८ – ६०.१९ टक्के

प्रभाग क्र. ९ – ५६.९१ टक्के

प्रभाग क्र. १० – ४९.५४ टक्के

प्रभाग क्र. ११ – ५४.७१ टक्के

प्रभाग क्र. १२ – ६५.१४ टक्के

प्रभाग क्र. १३ – ५४.२७ टक्के

प्रभाग क्र. १४ – ५३.४४ टक्के

प्रभाग क्र. १५ – ५५.५६ टक्के

प्रभाग क्र. १६ – ६२.४५ टक्के

प्रभाग क्र. १७ – ६०.०४ टक्के

प्रभाग क्र. १८ – ५६.१८ टक्के

प्रभाग क्र. १९ – ४९.२२ टक्के

प्रभाग क्र. २० – ५५.४२ टक्के

प्रभाग क्र. २१ – ५६.७६ टक्के

प्रभाग क्र. २२ – ६०.२८ टक्के

प्रभाग क्र. २३ – ६३.३७ टक्के

प्रभाग क्र. २४ – ६१.७२ टक्के

प्रभाग क्र. २५ – ६०.४८ टक्के

प्रभाग क्र. २६ – ५५.३० टक्के

प्रभाग क्र. २७ – ६१.०१ टक्के

प्रभाग क्र. २८ – ५४.८८ टक्के

प्रभाग क्र. २९ – ५४.५९ टक्के

प्रभाग क्र. ३० – ५४.२२ टक्के

प्रभाग क्र. ३१ – ५२.०० टक्के

प्रभाग क्र. ३२ – ५७.५९ टक्के