Chagan Bhujbal News: 'रोहित पवार यांचा जन्म ते आजपर्यंतच्या काळात राज्याच्या राजकारणातील विविध पदावर काम केलं आहे. रोहित पवारांना राजकारणाच्या इतिहासाची अजून समज नसून ते लहान आहेत, असं म्हणत छगन भुजबळांनी रोहित पवारांवर पलटवार केला आहे. (Latest Marathi News)
अजित पवार गटाने शिंदे सरकारला पाठिंबा दिल्यानंतर राज्यातील राजकीय समीकरण बदललं आहे. राष्ट्रवादीच्या दोन्ही गटाच्या नेत्यांकडून एकमेकांविरुद्ध टीका करण्यात येत आहे. छगन भुजबळांनी शरद पवार यांच्यावर गंभीर आरोप आणि टीका केली आहे. तर भुजबळांनी केलेल्या टीकेला रोहित पवार यांनी उत्तर दिलं होतं. रोहित पवारांच्या टीकेला आता छगन भुजबळांनी प्रत्युत्तर दिलं आहे.
राज्यातील राजकीय भूकंपानंतर मोठमोठ्या घडामोडी घडत असताना विरोधकांकडून टीकास्त्र सोडली जात आहे. यावरून छगन भुजबळांनी पलटवार करत राज्यात एवढ्या घडामोडी होत असल्याने प्रत्येकजण चोच्या मारायला पाहणारच असे म्हटले आहे.
'रोहित पवार आईच्या पोटात असताना मी राज्याच्या महत्वाच्या पदावर होतो. रोहित पवारांचा जन्म ते आजपर्यतच्या काळात राज्याच्या राजकारणातील विविध पदावर काम केलं आहे. रोहित पवारांना राजकारणाच्या इतिहासाची अजून समज नाही. त्यामानाने ते लहान आहेत, असं म्हणत भुजबळांनी रोहित पवारांवर पलटवार केला आहे.
'रोहित पवारांसारखा मी सोन्याचा चमचा घेऊन जन्माला आलो नाही. आम्हाला गॉडफादर कोण नव्हतं, असं म्हणत भुजबळ यांनी रोहित पवारांवर टीका केली आहे. रोहित पवारांनी आंबेगाव विधानसभा निवडणूक लढवावी आणि पडावे, असा टोलाही त्यांनी लगावला. छगन भुजबळांच्या टीकेनंतर रोहित पवार काय प्रत्युत्तर देतात, हे पाहावे लागेल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.