Central Railway : मध्य रेल्वेची वाहतूक विस्कळीत; अंबरनाथ-बदलापूरदरम्यान मालगाडीच्या इंजिनमध्ये बिघाड

Central Railway :

गणपती दोन दिवसांवर आला आहे. त्याआधी रविवार आल्याने नागरिकांची खरेदीसाठी मोठी लगबग सुरु आहे. नागरिकांना अडथळा होऊ नये म्हणून रेल्वेने आजचा मेगाब्लॉकही रद्द केला. मात्र तरीही नागरिकांना मनस्तापाला सामोरं जावं लागलं आहे.

अंबरनाथ आणि बदलापूर दरम्यान मालगाडीच्या इंजिनमध्ये बिघाड झाल्याने वाहतूक विस्कळीत झाली आहे. त्यामुळे कर्जतहून मुंबईच्या दिशेने जाणाऱ्या लोकल वाहतुकीवर परिणाम झाला आहे.

कल्याण लोको शेडमधून इंजिन मागविण्यात आले आहे. पुढील अर्ध्या तासात वाहतूक सुरळीत होण्याची शक्यता आहे.