Kalyan Crime : बंटी-बबलीच्या जोडीच्या कल्याणमध्ये कारनामा; ज्वेलर्सला घातला गंडा, दोघांच्या मुसक्या आवळल्या

Kalyan Crime News : बंटी-बबलीच्या जोडीचा कल्याणमध्ये कारनामा उघड झालाय. या जोडप्याने ज्वेलर्सला लाखोंचा गंडा घातला.
Kalyan Crime
Kalyan Crime NewsSaam tv
Published On
Summary

दोघांकडून दोन ज्वेलर्सना बनावट अंगठ्या दाखवून लाखो रुपयांची फसवणूक

आजारपणाचा बहाणा करून त्यांनी ज्वेलर्सकडे अंगठ्या गहाण ठेवून पैसे उकळले

महात्मा फुले पोलिसांकडून दोघांना अटक

पोलिसांचा पुढील तपास सुरु

संघर्ष गांगुर्डे, साम टीव्ही

बंटी-बबली जोडप्याने कल्याणच्या दोन ज्वेलर्सची लाखो रुपयांची फसवणूक केलीये. या दोघांनी बनावट अंगठ्या दाखवून फसवणूक केल्याचं उघड झालंय. या बंटी-बबलीने आजारपणाचा बहाणा करून ज्वेलर्सचा विश्वास जिंकलाय. मात्र, तपासात अंगठ्या सोन्याच्या नसून चांदीच्या असल्याचे उघड झालंय. त्यानंतर पोलिसांनी दोघांना अटक केली.

काय आहे प्रकरण?

तीन दिवसांत बंटी-बबली जोडीने कल्याणच्या दोन ज्वेलर्सला लाखो रुपयांची फसवणूक केली. बंटी-बबली आजाराच्या बहाण्याने त्यांच्या सोन्याच्या अंगठ्या गहाण ठेवण्यासाठी आले होते. बीआयएस हॉलमार्क असलेल्या बनावट अंगठ्या पाहून कल्याणच्या प्रसिद्ध पंकज ज्वेलर्सचे मालक पराग किरण जैन हे घोटाळ्यात अडकले आणि त्यांनी अंगठ्या गहाण ठेवल्या आणि महिलेला पैसे दिले.

Kalyan Crime
Pune News : पुण्यातील कुख्यात गुंडाची बड्या राजकीय नेत्यांसोबत उठबस? अनेक व्हिडिओ समोर; राजकीय वर्तुळात खळबळ

१ ऑक्टोबरच्या संध्याकाळी ही घटना घडली. घटनेच्या तिसऱ्या दिवशी म्हणजे शुक्रवारी ३ ऑक्टोबर रोजी बंटी-बबली जोडपे कल्याणमधील संघवी ज्वेलर्समध्ये गेले. तिथे पुन्हा एकदा त्यांनी आजारी असल्याचे भासवले. बीआयएस हॉलमार्क असलेली एक समान अंगठी गहाण ठेवून ज्वेलर्स महेंद्र शंकलेशा यांच्याकडून पैसे उकळले. दोन्ही दुकाने थोड्याच अंतरावर आहेत. संघवी ज्वेलर्सचे मालक महेंद्र शंकलेशा अंगठी दाखवण्यासाठी पंकज ज्वेलर्सकडे गेले. दोन्ही अंगठ्या हॉलमार्कसह सारख्याच आढळल्या.

Kalyan Crime
Viral Video : रावणाच्या ऐवजी श्रीरामांचा पुतळा जाळला; कुठे घडला धक्कादायक प्रकार? पाहा व्हिडिओ

पंकज ज्वेलर्सचे मालक पराग जैन यांनी सांगितले की, अंगठ्या तपासल्यानंतर त्या सोन्याच्या नसून चांदीच्या असल्याचे आढळून आले. या फसवणुकीची माहिती मिळताच व्यापारी पराग जैन यांनी तात्काळ महात्मा फुले पोलिसांना कळवले. त्यानंतर, पोलिसांनी पती-पत्नी अश्विनी सागर शेवाळे (३२) आणि मयूर विनोद पाटोळे (३४) यांना अटक केली. अटक केलेले बंटी-बबली दाम्पत्य ठाण्यातील लोकमान्यनगर अशोक चाळ येथील रहिवासी असल्याचे माहीत पडले.

Kalyan Crime
Viral News : आईच्या पश्चात पिलांना मायेची ऊब देणारा कोंबडा; पिलांचं सांभाळ करणाऱ्या कोंबड्यांचे कौतुक

कल्याण पोलिसांनी एक मोठे तपास पथक तयार केले आहे. अटक केलेल्या बंटी आणि बबली सोबत पोलिस पुण्याला जाण्याची तयारी करत आहे. महात्मा फुले पोलिस स्टेशनचे स्टेशन हाऊस ऑफिसर बळीराम परदेशी म्हणाले, 'आम्ही बंटी आणि बबली जोडीला अटक केली आहे. या प्रकरणातील सर्वात महत्त्वाचा सुगावा म्हणजे त्यांना बीआयएस हॉलमार्क स्टॅम्प कुठून मिळाला. यामागे एखादी मोठी टोळी आहे का? या सर्व मुद्द्यांचा तपास केला जात आहे. त्यांनी असेही सांगितले की या अटकेमुळे दागिने व्यापाऱ्यांविरुद्ध सुरू असलेल्या फसवणुकीला आळा बसेल.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com