Pune: नवले ब्रिजवर सहा वाहनांचा भीषण अपघात; 3 जणांचा मृत्यू! (पहा video)

सागर आव्हाड, अश्विनी जाधव केदारी

पुणे : नवले पुलावर Nawale Bridge Accident सहा वाहनांचा विचित्र आणि भीषण अपघात झाला असून 3 जणांचा मृत्यू झाला आहे अशी प्राथमिक माहिती समोर येत आहे. या अपघातात 20 ते 25 जण जखमी झाले आहेत. तर सर्व जखमींना नवले हॉस्पिटलमध्ये Nawale Hospital उपचारासाठी दाखल करण्यात आले आहे. मृतांचा आकडा वाढण्याची भीती व्यक्त केली जात आहे. नवले उड्डाणपूल परिसरात ज्वलनशील द्रवपदार्थ वाहून नेणारा टॅंकर पलटी होवून हा भीषण अपघात झाला आहे.

व्हिडीओ-

अपघाताबद्दल मिळालेल्या माहितीनुसार, बंगलुरुकडून पुण्याकडे थिनर घेऊन जाणारा टँकर उतारावर आल्यानंतर चालकाचे ट्रकवरील नियंत्रण सुटले. त्याने समोरील येईल त्या वाहनांना टँकर धडकवण्यास सुरुवात केली. माहितीनुसार, टँकरने सुमारे 15 ते 16 वाहनांना उडवले आहे. तर काही वाहनांना फरफटत ओढ़त नेले आहे.

अपघातानंतर मोठ्या प्रमाणात वाहतूक कोंडी झाली होती. त्यामुळे अपघातस्थळी मदतकार्य करणाऱ्यांना अडचण येत होती. दरम्यान पोलिस, अग्निशमन दल दाखल झाले आणि त्यांनतर मदतकार्याला वेग आला. तेथे जमलेल्या जमावाला बाजूला करण्यात आले आहे. तर अग्निशमन दलाच्या जवान नागरिकांच्या मदतीने अडकलेली वाहने बाजूला करण्याचे कार्य सुरु आहे. अग्निशमन दलाच्या जवानांनी जखमींना बाहेर काढून रुग्णालयात दाखल केले आहे.

कालच (ता. २१) गुरुवारी सायंकाळी याच ठिकाणी झालेल्या अपघातात दोन महिलांना आपला जीव गमवावा लागला होता. त्यानंतर आज पाच जणाना आपला जीव गमवावा लागला आहे.

Edited By-Krushna Sathe