स्थानिक स्वराज्य संस्थाच्या निवडणुकीचं वाजलं बिगुल
राजकीय पक्षांकडून मोर्चेबांधणी सुरु
शरद पवार गटाच्या नेत्याने पक्षाची साथ सोडली
आगामी स्थानिक स्वराज्य संस्थाच्या निवडणुकीचं बिगुलं वाजलं आहे. या निवडणुकीसाठी सर्व राजकीय पक्षांनी विविध जिल्ह्यातील स्थानिक पातळीवर मोर्चेबांधणी सुरु केली आहे. अजित पवार गटाकडून उमेदवारांची चाचपणी सुरु झाली आहे. या निवडणुकीच्या हंगामात अजित पवारांनी शरद पवारांना मोठा धक्का दिला आहे. शरद पवार गटाचे अंबरनाथ शहराध्यक्षांनी अजित पवार गटात प्रवेश केला आहे.
अंबरनाथचे राष्ट्रवादी शरद पवार गटाचे शहराध्यक्ष सदाशिव पाटील यांनी आज अजित पवार गटात प्रवेश केला. अनेक वर्षे शरद पवार यांच्या राष्ट्रवादी काँग्रेसशी एकनिष्ठ राहिलेले आणि अंबरनाथमधील खंबीर नेतृत्व म्हणून ओळखले जाणारे पाटील यांच्या या निर्णयाने स्थानिक राजकारणात मोठी खळबळ माजलीये.
सदाशिव पाटील यांच्या पक्षप्रवेशामुळे शरद पवार गटाला अंबरनाथमध्ये मोठा धक्का बसल्याचे मानले जात आहे. या पक्षप्रवेशाचा आगामी निवडणुकामध्ये थेट परिणाम दिसू शकतो. पाटील यांच्या समर्थकांनीही अजित पवार गटात प्रवेश करण्याची शक्यता व्यक्त केली जात आहे. त्यामुळे अंबरनाथमधील राजकीय घडामोडींना वेग आला आहे.
शरद पवारांचा विश्वासू सहकारी संभाजी ब्रिगेड केंद्रीय निरीक्षक विकास पासलकर लवकरच राजकीय निर्णय घेणार आहेत. शरद पवारांचे जवळचे सहकारी म्हणून ओळललेले जाणारे विकास पासलकर हे अजित पवार गटात प्रवेश करणार आहेत.
पासलकर हे गेल्या काही दिवसांपासून संभाजी ब्रिगेडच्या माध्यमातून समाजकार्य करत होते. पुण्यात राष्ट्रवादी काँग्रेस पार्टीच्या मेळाव्यामध्ये विकास पासलकर कार्यकर्त्यांसोबत राष्ट्रवादी काँग्रेसमध्ये प्रवेश करणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.