Bhiwandi building collapsed: ठाण्यातील भिवंडी येथे 3 मजली इमारत कोसळल्याची घटना शनिवारी घडली होती. या घटनेत आतापर्यंत 4 जणांचा मृत्यू झाला आहे. शनिवारी दुपारी घडलेल्या या घटनेत अजूनही बचावकार्य सुरू आहे. यादरम्यान बचाव पथकाने तब्बल 20 तासांनंतर ढिगाऱ्याखालून एका तरुणाची सुटका केली आहे. तरुणाला मलब्याखालून सुखरुप बाहेर काढतानाचा व्हिडिओ ठाणे महापालिकेने शेअर केला आहे.
सुनील पिसा असं या ढिगाऱ्याखालून सुटका करण्यात आलेल्या 38 वर्षीय तरुणाचं नाव आहे. राष्ट्रीय आपत्ती आणि ठाणे आपत्ती दलाने त्यांची सुटका केली आहे. सुटका झाल्यानतंर सुनीलला अश्रु अनावर झाले आणि तो धाय मोकलून रडू लागला. बचाव पथक त्याला उपचारासाठी स्ट्रेचवरून नेताना त्याने दोन्ही हात जोडून आभार मानले आहे. सुनीलाल भिवंडी येथील आयजीएम रुग्णालयात उपचारासाठी दाखल करण्यात आलं असल्याची माहिती नारपोली पोलिसांनी दिली आहे.
भिवंडी (Bhiwandi) तालुक्यात वळपाडा ग्रामपंचायत हद्दीत शनिवारी दुपारी तीन मजली इमारत कोसळली. तिथे गेल्या 22 तासांपासून अग्निशमन दल, पोलीस, टीडीआरएफ आणि एनडीआरएफचे पथकाकडून अथक बचावकार्य सुरू आहे. इमरातीच्या ढिगाऱ्याखाली अडकलेल्या लोकांना बाहेर काढण्यासाठी युद्धपातळीवर प्रयत्न सुरू आहेत. या ढिगाऱ्याखाली आणखी 7 पेक्षा जास्त लोक अडकले असण्याची शक्यता आहे.
मृतांच्या नातेवाईकांना 5 लाखांची मदत
मुख्यमंत्री एकनाथ शिंदे यांनी रात्री अकरा वाजता वळपाडा येथील दुर्घटनाग्रस्त इमारतीला भेट दिली. यावेळी मुख्यमंत्र्यांनी बचाव पथकाच्या कामाची माहिती घेतली. इमारतीच्या ढिगार्‍याखाली (building collapse) अडकलेल्या नागरिकांना सुखरूप बाहेर काढण्यासाठी प्रयत्न करावे अशा सूचना यावेळी मुख्यमंत्री एकनाथ शिंदे यांनी बचाव पथकाला दिल्या.
त्याचबरोबर या दुर्घटनेत मृत्यू झालेल्यांच्या नातेवाईकांना पाच लाखांची आर्थिक मदत राज्य शासनाकडून करण्यात येणार येईल आणि जखमींच्या उपचाराचा खर्च देखील राज्य शासन करेल अशी ग्वाही मुख्यमंत्र्यांनी यावेळी दिली. (Latest Marathi News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.