Baramati News : रणजीत निंबाळकर यांचा उपचारादरम्यान मृत्यू; बैल खरेदीच्या व्यवहारातून झाला होता गोळीबार

बारामती येथे बैलाच्या व्यवराहावरून रणजीत निंबाळकर यांच्यावर गुरुवारी गोळीबार झाल्याची घटना घडली होती. या गोळीबारात निंबाळकर गंभीर जखमी झाले होते. त्यांच्यावर पुण्यातील एका खासगी रुग्णालयात उपचार सुरू होते. मात्र, उपचारादरम्यान, निंबाळकर यांचा मृत्यू झाला आहे. याप्रकरणी पोलिसांनी काकडे बंधुंवर गुन्हा दाखल केला आहे.

बैल आणि बैलगाडा शर्यतीच्या दुनियेत महत्त्वाचं नाव असलेले ट्रिपल महाराष्ट्र हिंद केसरी गौतम काकडे यांच्या घरी हा गोळीबार झाला होता. मिळालेल्या माहितीनुसार, बैलाच्या व्यवहारावरून निंबाळकर आणि काकडे यांच्यात वाद झाला.

काकडे यांनी खरेदी केलेला बैल निंबाळकर हे पुन्हा मागत होते. यावेळी त्यांचा काकडे आणि निंबाळकर यांच्या शाब्दीक चकमक होऊन वाद झाला. या वादातून गोळीबाराची घटना घडली होती.