Badlapur Shocking : सणाला गालबोट! धुळवडीचा रंग काढायला गेले अन् पाण्यात बुडाले; बदलापुरात नदीत बुडून चौघांचा मृत्यू

मयुरेश कडव, साम टीव्ही

बदलापूर : राज्यभरातील लोक धुळवड साजरा करताना दिसत आहेत. लहान मुलांपासून ज्येष्ठ नागरिक धुळवड साजरी करत आहेत. बदलापुरातही धुळवड सणाचा उत्साह शिगेला पोहोचलाय. बदलापुरातील अनेक सोसायट्यांमध्ये नागरिक मोठ्या उत्साहात धुळवड साजरी करताना दिसत आहेत. याच धुळवडीदरम्यान गालबोट लागणारी घटना घडली आहे. बदलापुरात धुळवडीदरम्यान दुर्देवी घटना घडली आहे. बदलापुरातील उल्हास नदीत बुडून चार मुलांचा दुर्दैवी मृत्यू झाल्याची घटना घडली आहे.

बदलापुरात सणाला गालबोट

बदलापुरात धुळवड खेळल्यानंतर रंग काढायला गेलेल्या मुलांसोबत धक्कादायक घटना घडली आहे. बदलापुरात धुळवडीदरम्यान उल्हास नदीत बुडून चार मुलांचा दुर्दैवी मृत्यू झाला आहे. धुळवड खेळल्यानंतर रंग काढायला गेलेल्या चौघांचा पाण्याचा अंदाज न आल्याने मृत्यू झाला आहे. बदलापूरच्या चामटोली परिसरात राहणारे चौघे मुले होते. चारही मुले चामटोली जवळील पोद्दार गृह संकुलात राहणारे होते. चौघांच्या मृत्यूने त्यांच्या कुटुंबावर दु:खाचा डोंगर कोसळला आहे.

नेमकं काय घडलं?

बदलापूरच्या चामटोली भागात राहणाऱ्या चौघांनी धुळवड खेळली. धुळवड खेळल्यानंतर रंग काढण्यासाठी उल्हास नदीजवळ पोहोचले. उल्हास नदीत चौघे अल्पवयीन मुले उतरले. या चौघांना पाण्याचा अंदाज आला. त्यामुळे चौघे अल्पवयीन मुले पाण्यात बुडाले. चामटोली राहणाऱ्या चौघांचा बुडून मृत्यू झाला. चौघांच्या मृत्यूने चामटोली परिसरात खळबळ उडाली आहे.

चामटोली परिसरात राहणारे आर्यन मेदर(१५), आर्यन सिंग (१६), सिद्धार्थ सिंग (१६), ओमसिंग तोमर (१५) या चौघांचा मृत्यू झाला आहे. चौघे पाण्यात बुडाल्याची माहिती मिळताच पोलीस आणि स्थानिकांनी घटनास्थळी धाव घेतली. पोलीस आणि स्थानिकांनी तातडीने चौघांचे मृतदेह बाहेर काढले. चौघांच्या मृत्यूने परिसरावर शोककळा पसरली आहे. चौघांच्या मृत्यूने धुळवड सणाला गालबोट लागलं आहे.