Political News : एकनाथ शिंदेंचा मुख्यमंत्रीपदाचा राजीनामा घेण्यासाठी पार्श्वभूमी तयार केली जातेय? असीम सरोदेंनी उपस्थित केला सवाल

Political News :

जालना येथे मराठा आंदोलकांवर झालेल्या लाठीहल्ल्यानंतर राजकारण तापलं आहे. यानंतर मराठा आरक्षणाचा मुद्दा पुन्हा चर्चेत आला आहे. याच मुद्द्यावरुन विरोधकांनी सरकारला घेरण्यास सुरुवात केली आहे.

मराठा आंदोलकही सरकारवर सडकून टीका करताना दिसत आहे. त्यामुळे मराठा आरक्षणाच्या मुद्द्यावरुन सरकारची कोंडी झाल्याचं दिसून येत आहे. (Latest Marathi News)

मराठा आरक्षणावरुन सुरु असलेल्या गदारोळावर कायदेतज्ज्ञ आसीम सरोदे यांना आपलं मत मांडलं आहे. एकनाथ शिंदे यांचा मुख्यमंत्री पदाचा राजीनामा घेण्यासाठी हे सुरु आहे का? असा सवाल असीम सरोदे यांना उपस्थित केला आहे.

असीम सरोदे यांचं ट्वीट

'एकनाथ शिंदे यांचा मुख्यमंत्रीपदाचा राजीनामा घेण्यासाठी आणि मागण्यासाठी पार्श्वभूमी व कारणे तयार केली जात आहेत का? कारण आरक्षण हा विषय तर राज्य सरकार सोडवू शकत नाही. त्यासाठी केंद्र सरकारनेच संविधानिक सुधारणा केली पाहिजे. मराठा आरक्षण हा राजकीय विषय झालाय हे दुर्दैव', असं ट्वीट ॲड. असीम सरोदे यांनी केलं आहे.