Maharashtra Politics : मुख्यमंत्र्यांविरोधात अपशब्द वापरणं NCP नेत्याला पडलं महागात; पोलिसांकडून अटक होण्याची शक्यता

Maharashtra Politics : महाराष्ट्राचे मुख्यमंत्री एकनाथ शिंदे (Eknath Shinde) यांच्याविरोधात अपशब्द वापरल्यामुळं राष्ट्रवादीचे काँग्रेसचे आनंद परांजपे (Anand Paranjpe) यांच्या अडचणीत वाढ होण्याची शक्यता आहे. आनंद परांजपे यांनी मुख्यमंत्री एकनाथ शिंदे यांच्याबद्दल अपशब्द वापरला होता. त्यामुळे आनंद परांजपे यांच्या विरोधात चार पोलीस ठाण्यात गुन्हा दाखल करण्यात आला आहे. त्यामुळे आता आनंद परांजपे यांच्यावर आता अटकेची टांगती तलवार आहे. याप्रकरणी राष्ट्रवादी काँग्रेसचे ठाणे शहर अध्यक्ष आणि माजी खासदार आनंद परांजपे यांनी एक ट्विट केलं आहे.

जितेंद्र आव्हाड यांचे ट्विट

ट्विटमध्ये जितेंद्र आव्हाड म्हणाले की, राष्ट्रवादी काँग्रेसचे (NCP) ठाणे शहर अध्यक्ष माजी खासदार आनंद परांजपे यांच्यावर दाखल झालेल्या NC आता FIR मध्ये रूपांतरीत करण्यात आल्या आहेत. व त्या Cognisable Offence मध्ये घेतल्या आहेत. आज रात्री त्यांना मुख्यालयाचे पोलीस अटक करणार अशी खात्रीलायक बातमी मला पोलिसांनीच दिली आहे. आपल्या राज्याची वाटचाल आता पोलीसी राज्याकडे होऊ लागली कि काय? तर अटक कराच, असा इशाराही जितेंद्र आव्हाड यांनी दिला आहे.

काय म्हणाले होते आनंद परांजपे?

मुख्यमंत्री एकनाथ शिंदे ज्याला तुम्ही चाणक्य समजत आहात, तोच तुमचा टायटॅनिक करायला कारणीभूत ठरणार आहे. तर ही आमची वैचारिक लढाई आहे. आमच्यावर ज्यांनी गुन्हे दाखल केले आहेत तेच खरे गुन्हेगार आहेत. आंदोलन करताना आम्ही काही घोषणा दिल्या. त्या असंसदीय नव्हत्या. आम्ही कोणाचीही बदनामी केली नाही, असंही आनंद परांजपे यांनी म्हंटल आहे.