Amit Shah News: मुंबईत भाजप नेत्यांसोबत अमित शाहांची महत्त्वाची बैठक; 'मिशन 45'आणि बीएमसी निवडणुकीचा आढावा घेणार
सुशांत सावंत
Mumbai News: आगामी मुंबई महापालिका निवडणूक आणि लोकसभा निवडणुकीच्या पार्श्वभूमीवर भाजपने तयारी सुरु केली आहे. या तयारीचा आढावा आता भाजपचे वरिष्ठ नेते अमित शाह आणि केंद्रीय गृहमंत्री अमित शाह घेणार आहेत. यासाठी अमित शाह शनिवारी संध्याकाळी सह्याद्री अतिथीगृहावर भाजपच्या महत्वाच्या नेत्यांसोबत बैठक घेणार आहेत.
अमित शाह या बैठकीत 'मिशन 45' चा आणि मुंबई महानगरपालिका निवडणुकीचाही आढावा घेणार आहेत. लोकसभा निवडणुकीला अवघे महिने उरले असताना राज्यात काय वातावरण आहे? यासोबतच मुंबई महानगरपालिका निवडणुका लागल्या तर मुंबईत भाजपची काय स्थिती आहे, याचा आढावा देखील अमित शाह या बैठकीत घेणार असल्याची माहिती साम टीव्हीला सूत्रांकडून मिळत आहे. (Latest Political News)
मुंबई महापालिकेचे निवडणूक भाजपसाठी आणि भाजपच्या केंद्रीय नेत्यांसाठीही मुंबई महापालिका महत्त्वाची आहे. मुंबई महानगर पालिकेत भाजपची सत्ता आणण्यासाठी आता केंद्रीय नेतृत्वही कामाला लागले आहे. कालच आशिष शेलार यांच्याकडून केंद्रीय गृहमंत्री अमित शाह आणि राष्ट्रीय अध्यक्ष जे.पी.नड्डा यांनी मुंबई महानगर पालिकेबद्दल आढावा घेतला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.