Mango Price in Navi Mumbai: वाशी एपीएमसीत आंब्याची विक्रमी आवक, जाणून घ्या डझनाचा दर

- सिद्धेश म्हात्रे

One Dozen Mango Price in APMC Market:

गुढीपाडवा (gudi padwa) निमित्त एपीएमसी (Agriculture Produce Market Committee) फळ बाजारात आंब्याची (mango) मोठी आवक झाली आहे. गतवर्षी 25 हजार आंब्याच्या पेट्या गुढीपाडव्याला दाखल झाल्या होत्या. यंदाच्या वर्षी आंब्याची आवक दुप्पट झाली आहे अशी माहिती व्यापा-यांसह संजय पानसरे (संचालक, एपीएमसी फळ बाजार) यांनी साम टीव्हीशी बाेलताना सांगितले. (Maharashtra News)

साडेतीन मुहूर्तांपैकी एक मुहूर्त समजला जाणाऱ्या गुढीपाडव्याच्या शुभमुहूर्तावर एपीएमसी फळ बाजारात आंब्याची विक्रमी आवक झाली आहे. यंदा 50 हजार आंब्याच्या पेट्या एपीएमसी फळ बाजारात दाखल झाल्या आहेत.

यासोबतच आंब्याचे दरही 300 ते 800 रुपये डझन असून सणासुदीला आंबे खवय्यांसाठी ही पर्वणी ठरणार आहे असेही संजय पानसरे यांनी नमूद केले. यंदा गुढीपाडव्याला आंबा खरेदीसह नागरिक अन्य फळांची देखील विचारपूस करीत आहेत. यामध्ये विदेशी फळांना देखील काही जण पसंती देताना दिसत आहेत.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar