Darshana Pawar News: राहुल दर्शनाचा नातेवाईक होता का? दोघांमध्ये कधीपासून ओळख? पोलिसांनी दिली महत्वाची माहिती

Rahul Handore: या संपूर्ण घटनेनंतर राहुल हंडोरे हा दर्शनाचा नातेवाईक होता का? दोघांमध्ये कधीपासून ओळख होती? असा प्रश्न अनेकांना पडला.
Darshana Pawar Rahul Handore Case Updates
Darshana Pawar Rahul Handore Case UpdatesSaam TV

Darshana Pawar and Rahul Handore: संपूर्ण राज्याला हादरवून टाकणाऱ्या दर्शना पवार हत्या प्रकरणाचा पोलिसांनी अखेर छडा लावला. दर्शना पवार हिच्या हत्येप्रकरणी पोलिसांनी तिचा मित्र राहुल हंडोरे याला अटक केली. आपणच दर्शनाची हत्या केल्याची कबुली आरोपी राहुलने पोलिसांना दिली. दरम्यान, या संपूर्ण घटनेनंतर राहुल हंडोरे हा दर्शनाचा नातेवाईक होता का? दोघांमध्ये कधीपासून ओळख होती? असा प्रश्न अनेकांना पडला.

दरम्यान, पुणे पोलिसांनी (Pune Police) आरोपी राहुल हंडोरे याच्याबाबत काही महत्वाची माहिती दिली. राहुल हंडोरे आणि दर्शना पवार हे नातेवाईक नव्हते. दर्शना पवारच्या मामाचं घर आहे. त्याच्या समोरचं घर हे राहुल हंडोरे याचं होतं. त्यामुळं ते एकमेकांना लहानपणापासून ओळखत होते, असं पुणे पोलीस अधीक्षक अंकित गोयल यांनी माध्यमांना सांगितलं.

Darshana Pawar Rahul Handore Case Updates
Darshana Pawar Case: MPSC टॉपर दर्शना पवार हत्या प्रकरण, आतापर्यंत नेमकं काय काय घडलं; वाचा संपूर्ण घटनाक्रम

दर्शनाची हत्या करणारा राहुल हंडोरे कोण आहे?

दर्शना पवार हिची हत्या करणारा आरोपी राहुल हंडोरे हा मूळचा नाशिक जिल्ह्यातील सिन्नर तालुक्यातील शाह गावाचा रहिवाशी आहे. त्याने BSC पर्यंतचे शिक्षण घेतलं आहे. राहुल हा पुण्यात MPSC ची तयारी करत होता. मागच्या अनेक वर्षांपासून राहुल बाहेरगावी शिकत असल्याने गावात त्याच्याबाबत अनेकांना माहिती नाही. मात्र राहुल याचे कुटुंबीय गावात राहत असल्याने सुट्ट्यांसाठी राहुल शाह गावात यायचा त्यामुळे मोजकीच लोकं त्याला ओळखत होती.

राहुल हंडोरे दर्शना पवारचा कोण होता?

राहुल हा मामाच्या घरासमोर (Ahmednagar) राहत असल्याने दर्शना आणि त्याची लहानपणापासूनच ओळख होती. पुढे स्पर्धा परीक्षेची तयारी करत असताना दोघांमधील मैत्री आणखीच घट्ट झाली. दोघेही लग्न करणार होते. राहुल स्पर्धा परीक्षेच्या तयारीसह फूड डिलिव्हरी सर्विसमध्ये काम करीत होता. राहुल याने परीक्षेपूर्वी तिच्याशी ब्रेकअप केले होते.

Darshana Pawar Rahul Handore Case Updates
Uttarakhand Accident News: उत्तराखंडमध्ये मोठी दुर्घटना! भाविकांची जीप ६०० फूट दरीत कोसळली; ९ जणांचा जागीच मृत्यू

राहुल हंडोरेने दर्शना पवारची हत्या का केली?

दर्शनाची लोकसेवा आयोगामार्फत वन अधिकारी (आरएफओ) पदावर निवड झाली. त्यानंतर राहुल पुन्हा लग्नासाठी तिच्या मागे लागला होता. दरम्यान, दर्शनाच्या कुटुंबीयांनी तिचे लग्न दुसऱ्या मुलाशी जमवल्याने राहुल अस्वस्थ होता. त्याने परीक्षा उत्तीर्ण होण्यासाठी थोडा वेळ द्यावा, असे त्याने सांगितले. परंतु दर्शनाकडून त्याला प्रतिसाद मिळाला नाही.

दरम्यान, दर्शना ही ९ जून रोजी पुण्यात एका खासगी अकॅडमीतर्फे आयोजित सत्कार समारंभासाठी आली होती. त्यानंतर ती सोमवारी (ता. १२) राहुलसोबत सिंहगड आणि राजगड किल्ला फिरण्यासाठी दुचाकीवर गेली होती. तिथेच राहुल याने तिची हत्या केली. हत्येनंतर तो पसार झाला होता. तेव्हापासून पुणे पोलीस त्याचा शोध घेत होते.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com