Aarey Rope Way : आरे ते फिल्मसिटीपर्यंत 'रोप वे'ने झटक्यात जा, वेळ अन् पैसा वाचणार, वाचा नेमका प्लॅन काय आहे?

मुंबईत वाहतूक कोंडीची खूप मोठी समस्या आहे. मुंबईकरांची वाहतूक कोडींपासून सुटका करण्यासाठी अनेक मार्ग काढले आहेत. आता वाहतुकीचा ताण आणि पर्यटनाचा विकास अशा दोन्ही गोष्टींचा समन्वय साधणारा प्रस्ताव चर्चेत आला आहे. मुंबई मेट्रो रेल कॉर्पोरेशन लिमिटेडने आरे मेट्रोस्थानक ते गोरेगाव फिल्मसिटीदरम्यान रोप वे सुरु करण्याचा विचार केला आहे.

आरे ते गोरेगाव फिल्मसिटी रोप वे

आरे मेट्रो स्टेशन ते गोरेगाव फिल्मसिटी हा रोपवे दोन ते तीन किलोमीटर लांबीचा आहे. या मार्गामुळे संजय गांधी नॅशनल पार्क,फिल्मसिटी आणि आरेपर्यंतचा प्रवास अधिक सोपा आणि जलद होणार आहे.

प्रदुषणाशिवाय होणार वाहतूक

या रोपवेच्या माध्यमातून दर तासाचा २००० ते ३००० प्रवासी प्रवास करु शकतील, असा अंदाज वर्तवण्यात आला आहे. हा रोपवे आरे कॉलनी ते फिल्मसिटीपर्यंत मर्यादित न ठेवता तो संजय गांधी राष्ट्रीय उद्यानापर्यंत वाढवण्याची शक्यता आहे. यामुळे पर्यटन वाढले. याशिवाय पर्यटनाच्या क्षेत्रातील वाहतूक ही विनाप्रदुषणाशिवाय होणार आहे. याचसोबत वाहतूक कोंडीपासूनदेखील सुटका होईल.

गोरेगाव ते आरे कॉलनी या परिसरात खूप जास्त वाहतूक कोंडी असते. या मार्गावर सार्वजनिक वाहतूक जास्त नसल्याने पर्यटक आणि स्थानिक रहिवाशांना त्रास होतो. रोपवे सेवा सुरु झाल्याने जलद आणि सुरक्षितरित्या प्रवास होईल. याचसोबत प्रदुषणदेखील होणार नाही. या नवीन रोप वे मार्गामुळे स्थानिक रहिवाशांसोबत पर्यटकांनाही फायदा होणार आहे. हा रोप वे बनवण्यासाठी प्रस्ताव देण्यात आला आहे. या प्रस्तावाला मंजुरी दिल्यानंतर याचे काम सुरु होईल.