Nawab Malik : नवाब मलिक यांच्या अडचणीत वाढ; अ‍ॅट्रोसिटीअंतर्गत गुन्हा दाखल, काय आहे प्रकरण?

राष्ट्रवादी काँग्रेसचे नेते आणि माजी मंत्री नवाब मलिक सध्या मनी लाँड्रिंग प्रकरणी तुरुंगात आहेत.
Nawab Malik
Nawab MalikSaam TV

मुंबई : राष्ट्रवादी काँग्रेसचे नेते आणि माजी मंत्री नवाब मलिक सध्या मनी लाँड्रिंग प्रकरणी तुरुंगात आहेत. मात्र, त्यांचा पाय आणखी खोलात जाण्याची शक्यता आहे. कारण, नवाब मलिक (Nawab Malik) यांच्यावर आता अ‍ॅट्रोसिटीचा गुन्हा दाखल करण्यात आला आहे. वाशिम कोर्टाच्या आदेशानंतर पोलिसांनी हा गुन्हा दाखल केला आहे. (Nawab Malik Latest News)

Sanjay Raut : संजय राऊत यांना पुन्हा ईडीची नोटीस; चौकशीसाठी हजर राहण्याचे आदेश

ड्रग्ज रॅकेट प्रकरणी अभिनेता शाहरूख खानचा मुलगा आर्यन खानला नार्कोटीक्स कंट्रोल ब्यूरोने (NCB) अटक केली होती. त्यानंतर राजकीय आरोप-प्रत्यारोपांमुळे एनसीबीची कारवाई वादाचा विषय बनली. या वादाच्या केंद्रस्थानी NCB मुंबईचे तत्कालीन विभागीय संचालक समीर वानखेडे होते. मलिक यांनी पत्रकार परिषदा घेत वानखेडेंवर अनेक गंभीर आरोप केले होते.

समीर वानखेडे यांच्यावर जातीवाचक टिप्पणी केल्याबद्दल वाशिम कोर्टात याचिका दाखल करण्यात आली होती. त्यांची सुनावणी मंगळवारी झाली. या प्रकरणी समीर वानखेडे यांचे चुलत बंधू संजय वानखेडे यांनी वाशिम न्यायालयात याचिका दाखल केली होती. त्यावरील सुनावणीवेळी कोर्टानं मलिक यांच्यावर गुन्हा दाखल करण्याचे आदेश दिले होते.

Nawab Malik
Devendra Fadnavis : 'राहुल गांधींना सावरकरांचा स देखील माहीत नाही'; फडणवीसांचा जोरदार हल्लाबोल

दरम्यान, वाशिम कोर्टाने दिलेल्या आदेशानुसार, पोलिसांनी नवाब मलिक यांच्याविरोधात अ‍ॅट्रोसिटी कायद्याअंतर्गत गुन्हा दाखल केला आहे. त्यामुळे आधीच जेलमध्ये असलेल्या नवाब मलिक यांच्या अडचणीत मोठी वाढ झाली आहे.

समीर वानखेडे यांनी याचिकेत काय म्हटलं होतं?

नवाब मलिक यांनी केलेल्या आरोपांमुळे कुटुंबियांची बदनामी झाल्याचा आरोप समीर वानखेडे यांनी केला होता. समीर वानखेडेंनी या प्रकरणी वाशिम सत्र न्यायलयात याचिका दाखल केली होती. या याचिकेत त्यांनी नवाब मलिकांविरोधात अ‍ॅट्रोसिटीचा गुन्हा दाखल करण्याची मागणी केली होती.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com