Coronavirus Update : ठाण्यात कोरोनाबाधितांची संख्या वाढतेय, महापालिका सतर्क

Thane Covid-19 News : गेली दोन वर्षे कोरोनाने (coronavirus) सर्वांनाच हैराण केले होते. काेराेनाचा प्रादुर्भाव कमी झाल्यानंतर आता सर्व सुरळीत असतानाच पुन्हा या संसर्गाने डाेकं वर काढले आहे. देशात काेविड रुग्णांची संख्या वाढत आहे. ठाण्यात आठवड्यात ५१ कोरोनाबाधित रुग्णांची नोंद झाली आहे. (Maharashtra News)

ठाणे येथे काेराेनाबाधितांची संख्या वाढू लागल्याने ठाणे महापालिका प्रशासन पुन्हा एकदा सतर्क झाले आहे. आरोग्य विभागाला खबरदारीच्या सुचना देण्यात आल्या आहेत. तसेच कोरोना चाचणीची संख्या आजपासूनच (शनिवार) वाढविली जाणार असल्याची माहिती आरोग्य विभागाने दिली आहे.

दरम्यान नागरिकांनी वर्दळीच्या तसेच सार्वजनिक ठिकाणी मास्कचा वापर करावा असे आवाहन आराेग्य विभागाने केले आहे. स्वच्छतेच्याबाबतीत देखील ठाणे महापालिका काळजी घेत आहे असेही महापालिकेने नमूद केले.

Edited By : Siddharth Latkar