चंद्रपुर : मॉर्निंग वॉकसाठी निघालेल्या नगरसेवक नंदू नागरकर यांच्यावर जीवघेणा हल्ला झाला. नागरकर हे जिल्ह्यातील (chandrapur) काँग्रेसचे (congress) नेते आहेत. त्यांच्यावरील झालेल्या हल्ल्यामुळे येथील काॅंग्रेस कार्यकर्ते आक्रमक झाले आहेत. या हल्ल्यानंतर सर्वपक्षीय नेत्यांनी रुग्णालयाकडे धाव घेतली. या घटनेचा पोलिसांनी (police) तपास सुरू केला आहे. (chandrapur latest marathi news)
पाेलिसांनी दिलेल्या प्राथमिक माहितीनूसार तीन युवकांनी काँग्रेस नेते नगरसेवक नंदू नागरकर यांच्यावर पाळत ठेवून हल्ला केला आहे. नागरकर यांची दैनंदिनी ज्ञात असल्याने मॉर्निंग वॉकसाठी निघालेल्या नागरकर यांना दुचाकीस्वारांनी भर चौकात क्रिकेट बॅटने मारहाण केली. हल्लेखोर घटनेनंतर फरार झालेत.
घटनास्थळावरुन मिळालेल्या माहितीनूसार युवकांनी तोंडावर मास्क परिधान केला हाेता. त्यांनी मुद्दाम गाडी आडवी घालून भांडण उकरून काढत मराठी सिटी शाळा चौकात नागरकरांनी मारहाण केली. दरम्यान नागरकर काँग्रेसचे माजी शहर जिल्हाध्यक्ष- माजी स्थायी सभापती आणि विद्यमान नगरसेवक आहेत. हा हल्ला नेमक्या कोणत्या कारणाने झाला याबाबत चर्चांना उत आला आहे. या हल्ल्यानंतर सर्वपक्षीय नेत्यांनी रुग्णालयाकडे धाव घेतली असून, प्रकरणात पोलिसांनी तपास सुरू केला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
