यवतमाळमधून एक धक्कादायक बातमी समोर येत आहे. कौटुंबिक वादातून माजी सैनिकाने घराशेजारी राहणाऱ्या पत्नीच्या मामाच्या घरी जाऊन हवेत आणि जमिनीवर गोळीबार केला आहे. कौटुंबिक कारणावरून त्यांचा पत्नीसोबत वाद झाला होता. वाद टोकाला गेला पत्नीनं घर सोडून मामाचं घर गाठलं. यावेळी पतीने गोळीबार करत पत्नीला घाबरवण्याचा प्रयत्न केला. मात्र, यानंतर पत्नीने थेट पोलीस ठाणे गाठत पतीविरोधात तक्रार दाखल केली.
संजय राठोड असे माजी सैनिकाचे नाव आहे. त्यांचे आपल्या पत्नीसोबत कौटुंबिक कारणावरून वाद झाले होते. वाद विकोपाला गेला होता. रागाच्या भरात राठोड यांच्या पत्नीने घर सोडून थेट मामाचं घर गाठलं. त्यानंतर संतप्त राठोड हे थेट मामाच्या घरी गेले आणि त्यांनी परवानाधारक बंदुकीतून एक गोळी हवेत आणि दुसरी जमिनीवर फायर केली.
या प्रकारामुळे घरातील सदस्य आणि आजूबाजूचे नागरिक भयभीत झाले. काही काळ परिसरात तणावाचे वातावरण निर्माण झाले होते. घटनेनंतर पत्नीने तात्काळ नेर पोलीस ठाण्यात धाव घेतली आणि पतीविरोधात तक्रार दाखल केली. पोलिसांनी कारवाई करत आरोपीकडील परवानाधारक बंदूक जप्त केली. तसेच संजय राठोड यांना चौकशीसाठी ताब्यात घेतलं आहे.
या प्रकरणी नेर पोलीस पुढील तपास करीत असून, माजी सैनिक असूनही अशा प्रकारचे वर्तन केल्यामुळे स्थानिकांतूनही नाराजी व्यक्त होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.