Uday Samat: मंत्री उदय सामंत यांच्या ताफ्यावर दगडफेक; यवतमाळमधील घटना

Yavatmal News : उदय सामंत यांच्या ताफ्यावर दगडफेक झालीय. मिळालेल्या माहितीनुसार, मंत्री उदय सामंत आणि कार चालक सुखरूप आहेत. चालकाने घडलेल्या प्रकरणाची तक्रार पोलिसात दिलीय.
Uday Samat News
Uday Samat News saam

(संजय राठोड, यवतमाळ)

Minister Uday Samants Convoy Yavatmal :

यवतमाळमध्ये मंत्री उदय सामंत यांच्या वाहनांच्या ताफ्यावर दगडफेक झालीय. अज्ञात व्यक्तीने सामंत यांच्या ताफ्यातील कारवर दगड फेकून मारला. ही घटना यवतमाळमधील राळेगाव येथील प्रचारसभेवेळी घडली.

याप्रकरणी मंत्री उदय सामंत यांनी प्रतिक्रिया दिलीय. आपण वाशिम-यवतमाळमध्ये प्रचारासाठी गेलो होतो. तेथील राळेगाव येथे प्रचार करत असताना ते ज्या कारमध्ये बसणार होते त्या कारवर दगड मारण्याचा प्रयत्न झाला. कोणी दगड मारला, त्याचा हेतू काय होता याची काही कल्पना आपल्याला नसल्याचं सामंत म्हणालेत. परंतु घडलेल्या प्रकरणाविषयी चालकाला पोलिसात तक्रार करण्यास सांगितलं.

या घटनेत कोणालाही दुखापत झाली नाही. मीही सुखरूप असल्याचं सामंत म्हणालेत. दरम्यान अशा घटना आधीही घडल्याचं सामंत म्हणालेत. पुण्यातही त्यांच्या कारवर दगडफेक झाली होती असं सामंत प्रतिक्रिया देताना म्हणालेत.

यवतमाळ वाशिम लोकसभा मतदारसंघात शिवसेना शिंदे गटाकडून राजश्री पाटील या उमेदवार आहेत. तर दुसरीकडे शिवसेना उद्धव बाळासाहेब ठाकरे गटाकडून संजय देशमुख हे उमेदवार आहेत. दोन्ही उमेदवार शिवसेनेचे असल्या कारणाने शिवसैनिकांमध्ये चढाओढ सुरू झालीय.

Uday Samat News
Sindhudurg Lok Sabha: ...म्हणून आम्हाला ती जागा हवी, सिंधुदुर्ग लोकसभा मतदारसंघावर उदय सामंत यांनी पुन्हा केला दावा

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com