खासदार हरवले; भाजपने दिली पोलिसात तक्रार

संजय राठोड

यवतमाळ : गेल्या सहा महिन्यांपासून शिवसेनेच्या खासदार भावना गवळी गायब आहेत. अशात शिवसेनेने शिवसंपर्क अभियान सुरू केले आहे. मात्र यात खासदार गवळी गैरहजर असल्याने भाजपने (BJP) तीच संधी साधत खासदार थेट हरविल्याची तक्रार पोलिसात दिली आहे. (yavatmal news BJP file a complaint with the police mp bhavna gavli)

खासदार भावना गवळी या गेल्‍या सहा महिन्‍यांपासून गायब आहेत. या वरून आमच्या मतदार संघातील खासदार भावना गवळी मागील सहा महिन्यांपासून मतदार संघात आलेल्या नाही. त्यामुळे मतदार संघात अनेक समस्यांचा सामना मतदार (Yavatmal News) संघातील सामान्य नागरिकांना करावा लागत असल्याची लेखी तक्रार भाजपच्या पदाधिकारी माया शेरे यांनी दिली आहे.

बॅनरही लावले

दरम्यान भाजपने रात्री जिल्हा पोलीस (Police) अधीक्षक चौकात खासदार हरविल्याचे होल्‍र्डींग लावले होते.त्यानंतर काही वेळात ते होल्डिंग शिवसैनिकांनी हटविले. आता भाजप महिला पदाधिकारी शेरे यांनी चक्क खासदार हरविल्याची तक्रार पोलिसात दिली आहे. त्यामुळे जिल्ह्याच्या राजकारणात शिवसेना विरूद्ध भाजप असा सामना चांगलाच रंगत आहे