Yavatmal Police News : एलसीबीची माेठी कारवाई, सहा अटकेत; यवतमाळ, नांदेड, परभणी, हिंगोलीसह वाशिमच्या 48 दुचाकी हस्तगत

- संजय राठाेड

Yavatmal News : यवतमाळ स्थानिक गुन्हे शाखेने दुचाकी चाेरणारी टाेळी जेरबंद केली आहे. पाेलिसांनी सहा संशयितांना ताब्यात घेत त्यांच्याकडून 48 दुचाकी हस्तगत केल्या आहेत. यवतमाळ येथे आत्तापर्यंतची ही सर्वांत माेठी कारवाई मानली जात आहे. (Maharashtra News)

या टाेळीने यवतमाळ, नांदेड, परभणी, हिंगोली, वाशिम आदी जिल्ह्यातून मोटारसायकल चोरून आणल्याची कबुली पाेलिसांना दिली आहे. यवतमाळ व इतर जिल्ह्यातून मोटरसायकल चोरी करणाऱ्या चोरट्यांकडून तब्बल 28 लाख 97 हजार रुपये किमतीच्या 48 मोटरसायकल हस्तगत केल्याची माहिती जिल्हा पोलीस अधीक्षक डाॅ. पवन बनसोड यांनी साम टीव्हीशी बाेलताना दिली.

पाेलिसांनी दिलेल्या माहितीनूसार या प्रकरणी निलेश सूर्यवंशी (राहणार वरवट,नांदेड), सिद्धार्थ काळबांडे (राहणार उमरखेड-यवतमाळ), अनिल रावते (राहणार उमरखेड - यवतमाळ), तानाजी कतुलवाड (राहणार हिमायतनगर- नांदेड) आणि राजू काळबांडे (राहणार उमरखेड- यवतमाळ) अशी ताब्यात घेतलेल्या संशयितांची नावे आहेत. या संशयितांची पाेलिस कसून चाैकशी करीत आहेत. त्यातून आणखी गुन्हे उघडकीस येतील अशी आशा पाेलिसांना आहे.

Edited By : Siddharth Latkar