संजय राठोड, साम टीव्ही
यवतमाळ: आयुर्वेदिक प्रथम वर्षात नव्याने दाखल झालेल्या विद्यार्थ्यांची रॅगिंग घेतल्याप्रकरणी यवतमाळ येथील डायाभाई मावजी मजीठिया आयुर्वेदिक महाविद्यालयातील 18 विद्यार्थ्यावर कारवाई निश्चित करण्यात आली आहे एका विद्यार्थ्याला एक वर्षाकरिता महाविद्यालयातून. रस्टीकेट केले जाणार आहे तर आठ विद्यार्थ्यांना सहा महिन्याकरिता तर आठ विद्यार्थ्यांन वर दंडात्मक कारवाई करण्यात येणार असल्याचे आदेशात प्रस्तावित करण्यात आले आहे तर तिघांना समज देण्यात आली आहे.
शिवीगाळ करणे कामे करून घेणे लिहून मागणे रूमवर बोलविणे यासह आदी प्रकारे रॅगिंग केली जात होती. दरम्यान या प्रकरणी वरिष्ठ विद्यार्थ्यांनी रॅगिंग घेतल्याची तक्रार बी ए एम एस प्रथम वर्षातील नवीन विद्यार्थ्यांनी यूजीसी अँटी रॅगिंग हेल्पलाइन न्यू दिल्ली या वेबसाईटवर केली होती जवळपास 21 विद्यार्थ्यांनी रॅगिंग घेतल्याचे त्यांनी या तक्रारीत नमूद केले.
याप्रकरणी केलेल्या प्रकरणाची चौकशी करून अहवाल सादर करण्याच्या सूचना यूजीसी अँटी रॅगिंग हेल्पलाइन न्यू दिल्ली आणि अवधूतवाडी पोलीस ठाण्याच्या वतीने महाविद्यालयाला देण्यात आल्या होत्या यानुसार महाविद्यालयात अँटी रॅगिंग कमिटीची बैठक घेण्यात आली आणि या बैठकीत रॅगिंग घेतल्याचे स्पष्ट झाल्याने समितीने त्यांच्यावर कारवाई निश्चित केली आहे. यामध्ये आठ विद्यार्थ्यांना सहा महिन्याकरता महाविद्यालयातून रस्टीकेट केले जाईल तर आठ विद्यार्थ्यांना दंड ठोठावण्याचे प्रस्तावित आहे अशी माहिती महाविद्यालयाच्या वरिष्ठांकडून देण्यात आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.