अखेर बेपत्ता 'मानवी'चा पाण्याच्या टाकीत आढळला मृतदेह; घातपात की, पडून मृत्यू?

-- संजय राठोड

यवतमाळ : यवतमाळच्या (Yavatmal) आर्णी पोलीस स्टेशन अंतर्गत येणाऱ्या कुऱ्हा (डू) या गावातील तीन वर्षाची मानवी अविनाश चोले हि चिमुरडी गेल्या आठ दिवसांपासून बेपत्ता झाली होती. या चिमुकलीचे अपहरण (Kidnapping) झाल्याचा अंदाज सुरुवातील व्यक्त कऱण्यात येत होता.

हे देखील पहा :

मात्र, दुर्दैवाने आज तिचा मृतदेह पाहण्याची वाईट वेळ तिच्या आई-वडिलांवर आली आहे. २० डिसेंबर या दिवसापासून घरासमोर खेळणारी तीन वर्षाची चिमुकली अचानक गायब झाल्याने मोठी खळबळ उडाली होती. दरम्यान, लहान मुलांची तस्करी करणारी टोळी सक्रिय झाल्याचा मेसेज देखील सोशल मिडीयावर व्हायरल होत होता. या प्रकरणात पोलिसांनी (police) अपहरणाचा गुन्हा ही दाखल केला होता.

तिचा मृतदेह आज मिळून आल्यानंतर काही वेळा पुर्वी जिल्हा पोलीस अधीक्षक डाॅ.दिलीप पाटील भुजबळ यांनी कुऱ्हा येथे भेट देऊन परिस्थितीचा आढावा घेतला आहे. त्यानंतर अविनाश चोले यांच्या घरा मागील पाण्याच्या टाक्यात मानवीचा मृतदेह आढळून आला आहे. मानवीसोबत घातपात झाला आहे की, पाण्याच्या टाक्यात पडून तिचा मृत्यू झाला आहे. याबद्दल पोलीस तपास करत आहेत.

Edited By : Krushnarav Sathe