Dhule: जवाहर सुतगिरणी कधी सुरु हाेणार? आमदार कुणाल पाटलांना बेराेजगारांचा सवाल

जवाहर सुतगिरणी तात्काळ सुरु करुन बेरोजगारांच्या हाताला काम द्या अशी मागणी करीत आज (साेमवार) बेरोजगार नागरिकांनी जवाहर सुतगिरणीच्या मुख्य प्रवेशद्वार येथे आंदाेलन छेडले. गेल्या दीड ते दोन वर्षांपासून सूतगिरणी बंद असल्याने कामगारांच्या राेजगाराचा प्रश्न निर्माण झाल्याचे आंदाेलकांनी नमूद केले.

आज बेरोजगार कामगारांनी सूतगिरणी बाहेर आंदोलन करून सूतगिरणी लवकरात लवकर सुरू करावी, आम्हाला रोजगार उपलब्ध हाेईल अशी मागणी आमदार कुणाल पाटील यांना निवेदनाच्या माध्यमातून केली.

आमदार कुणाल पाटील यांनी याबाबत सकारात्मक विचार करून लवकरात लवकर निर्णय घ्यावा. दरम्यान याेग्य निर्णय न झाल्यास पुढील तीन ते चार दिवसात आंदोलन आणखी तीव्र करण्याचा इशारा बेरोजगार कामगारांनी दिला आहे.

Edited By : Siddharth Latkar