Washim Weather News: एप्रिलअखेर वाशीम जिल्ह्यात तापमान ४० अंशाच्या पार!

मनोज जयस्वाल 

वाशिम : यंदाचा उन्हाळा अधिक तापदायक ठरण्याची शक्यता वर्तविण्यात आली आहे. मध्यंतरी राज्यातील बहुतांश शहरातील (Temperature) तापमान ४२ अंशाच्या पार गेले होते. मात्र अवकाळी पावसामुळे पारा खाली आला होता. मात्र आता एप्रिल महिन्याच्या अखेरीला पारा पुन्हा वर गेला असून (Washim) वाशीम जिल्ह्यातील तापमान ४० अंशाच्या वर गेले आहे. 

एप्रिल महिन्याच्या सुरूवातीला अवकाळी (Rain) पाऊस व वादळी वाऱ्यामुळे वाशीम जिल्ह्यातील तापमानात काहीशी घसरण झाली होती. यामुळे उन्हाच्या तिव्रतेपासून नागरिकांना दिलासा मिळाला होता. मात्र एप्रिल अखेर वाशीम जिल्ह्यातील तापमानात पुन्हा वाढ झाली असून दुपारचे सरासरी तापमान ४० डिग्री सेल्सियसपर्यंत वाढत आहे. तर रात्री सरासरी तापमानाचा पारा ३० पर्यंत पोहचत आहे.

वैशाख अजून बाकी
मे महिना अजून सुरूही झाला नसला तरी सुद्धा (High Temperature) तापमानात झालेल्या प्रचंड वाढ झाले. आता वैशाख महिन्याची सुरवात होणार असून या महिन्यात तापमानाची तीव्रता अधिक असते. याची दाहकता सहन करण्यापूर्वीच जिल्ह्यातील नागरिकांना शीतपेयांचा आधार घ्यावा लागत आहे. दरम्यान, उष्ण लाटेपासुन स्वतःचे संरक्षण करण्यासाठी जिल्हा प्रशासनाद्वारे मार्गदर्शक सूचना जारी करण्यात आल्या आहेत.