Washim Crime News: महिलेच्या बॅगमधून पर्स लंपास; दोन लाख पंधरा हजार रुपयांचा ऐवज पळवला

मनोज जयस्वाल

वाशिम : वाशिम पोलिसांचं नेमकं चाललं काय हेच कळत नाही. त्याच कारण म्हणजे वाशिम शहर त्यानंतर (Washim) मंगरूळपिर शहरातून चोरीचे सत्र सुरूच आहे. आज मंगरूळपिर बसस्थानक परिसरातून २ लाख रुपयांच्या दागिन्यांसह रोख १५ हजार रुपयांचा मुद्देमाल बसमध्ये चढताना लंपास केल्याची घटना समोर आली आहे. (Live Marathi News)

वाशिम शहर व परिसरात भुरट्या चोरीचे सत्र सुरूच आहे. यात मागील तीन दिवसात वाशिम शहरात ३ ठिकाणी, मंगरूळपिर शहरात दोन ठिकाणी चोरीच्या घटना घडल्या आहेत. यात पुन्हा आज बसमध्ये चढत असलेल्या महिलेची पर्स लांबविल्याची घटना घडली आहे. यात रोख रक्कम व काही सोन्याचे दागिने देखील होते. 

बस थेट पोलीस स्टेशनला 

आज मंगरूळपीर बसस्थानक परिसरातून अकोला दिग्रस बसमध्ये चढताना बॅगमधून पर्स लंपास केल्याची घटना घडली. त्यानंतर बस पोलिस स्टेशनमध्ये नेण्यात आली. पोलिसांनी बसमधील प्रवाश्यांची तपासणी केली. मात्र काहीच आढळले नाही. त्यानंतर बस पुढील प्रवासासाठी रवाना करण्यात आली.