Crime News: किरकोळ वादातून शेजारीला जीवे मारले

चेतन व्यास

वर्धा : अगदी किरकोळ कारणातून झालेल्या वादात वयोवृद्धाला काठीने मारहाण करण्यात आली. वृद्ध सिमेंट रस्त्यावर पडल्याने डोक्याला मार लागून त्याचा जागीच मृत्यू झाला. या प्रकरणात आरोपीविरुद्ध हत्येचा गुन्हा (Crime News) दाखल करण्यात आला. (Letest Marathi News)

कारंजा तालुक्यातील सावल गावात सदर घटना घडली आहे. पोलिसांनी आरोपीला अटक केल्याची माहिती दिली. विश्वनाथ शंकर देशमुख (वय ७०) असे मृतकाचे नाव आहे. तर पोलिसांनी अटक केलेल्यात अशोक बोवाडे याचा समावेश आहे.

शेजारी असल्‍याने अनेकदा वाद

मृत विश्वनाथ आणि आरोपी अशोक बोवाडे या दोघांचेही घर एकमेकाला लागून आहे. अनेकदा दोघांत वादाचे खटके उडायचे. याच कारणातून रात्री दोघांत चांगलाच वाद झाला. आरोपी अशोकने विश्वनाथला काठीने मारहाण केली. अशातच विश्वनाथ सिमेंट रस्त्यावर पडल्याने डोक्याला मार लागून मृत्यू झाला. पोलिसांनी आरोपी अशोकला अटक केल्याची माहिती पोलिसांनी दिली.