चेतन व्यास
वर्धा : सेवाग्रामकडून वर्ध्याकडे अतिवेगात असलेली दुचाकी पुलाच्या कठड्याला धडकली. यात दुचाकीवरील (Wardha News) तरुण पुलाखाली पडल्याने त्याचा जागीच मृत्यू झाला. प्रतीक उराडे (वय ३१) असे मृतकाचे नाव आहे. याप्रकरणी सेवाग्राम पोलिसांनी (Accident News) अपघातस्थळी जात पंचनामा करुन नोंद घेतली. (Maharashtra News)
वर्धा येथील आदिवासी कॉलनीतील रहिवासी प्रतिक उराडे हा त्याच्या दुचाकीने सेवाग्राम येथे कामानिमित्त गेला होता. काम आटोपून तो दुचाकीने परत येत असतानाच सेवाग्राम उड्डाणपुलावर वेगात असलेल्या दुचाकीवरुन त्याचे नियंत्रण सुटले. यामुळे दुचाकी थेट पुलाच्या कठड्यावर जाऊन धडकली. जोरदार धडकेत प्रतिक पुलाखाली पडल्याने त्याच्या डोक्याला मार लागल्याने त्याचा जागीच मृत्यू झाला.
परिसरातील नागरिकांना अपघात झाल्याचे कळताच नागरिकांनी पुलावर धाव घेतली. तसेच सेवाग्राम पोलिसांनी अपघातस्थळी पोहचून पंचनामा केला. मृतदेह सेवाग्राम येथील रुग्णालयात उत्तरिय तपासणीसाठी पाठविला. प्रतिक हा विवाहित असून त्याला एक मुलगा आहे. त्याच्या अपघाती मृत्यूने परिवारावर शोककळा पसरली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
