विटा पोलिसांची दमदार कामगिरी, ५ घरफोड्या उघडकीस; सातारा, सांगलीतील युवक अटकेत

सांगली : सांगली जिल्ह्यातील विटा पोलिसांनी आपला कारवाईचा धडाका कायम ठेवत आजही धडाकेबाज कामगिरी केली आहे. उपविभागीय पोलिस अधिकारी पदमा कदम व पोलिस निरिक्षक संतोष डोके यांच्या मार्गदर्शनाखाली तब्बल ५ घरफोडीचे गुन्हे उघडकीस आले आहेत. पाेलिसांनी तिघांना अटक करुन त्यांच्याकडून तब्बल दहा लाखांचा मुद्देमल हस्तगत केला आहे. (Sangli Crime News)

सांगलीच्या तासगाव, विटा (vita), औध, उंब्रज, पोलीस ठाणे हद्दीत घरफोडी करणाऱ्या तीन चोरट्यांना विटा पोलिसांनी कडेगाव येथे रंगेहाथ पकडले. पाेलिसांनी अटक केलेल्यांची नावे नयन जाधव, गौतम माळी, अनिकेत गायकवाड अशी आहेत.

या प्रकरणातील अटक केलेले दोन संशयित आरोपी हे सातारा (satara) जिल्ह्यातील आहेत. तसेच एक संशयित आराेपी हा सांगली (sangli) जिल्ह्यातील आहे. गेल्या काही दिवसांपासून या तिघांनी घरफाेडी, चाेरी असे गुन्हे केले आहेत. या तिघांकडून दहा लाखांचा मुद्देमाल हस्तगत करण्यात आला आहे अशी माहिती पोलिस निरिक्षक संतोष डोके यांनी दिली.

Edited By : Siddharth Latkar