Nanded News: नांदेडमध्ये पुराच्या पाण्यात विद्यार्थी अडकले, जीव धोक्यात घालून नागरिकांनी असं वाचवलं; थरारक VIDEO

संजय सूर्यवंशी, साम टीव्ही नांदेड

नांदेडमध्ये विद्यार्थ्यांना पुराच्या पाण्यातून वाचवल्याची घटना समोर आलीय. नांदेड जिल्ह्यामध्ये मागील दोन दिवसापासून मुसळधार पावसाची बॅटिंग सुरू आहे. सतत पडणाऱ्या जोरदार पावसामुळे नदीनाल्यांना पूर आल्याचं समोर आलंय. याच पुराच्या विळख्यात काही शाळकरी विद्यार्थी अडकले होते. या विद्यार्थ्यांना मानवी साखळी करून पुराच्या पाण्यातून बाहेर काढण्यात आलंय.

नक्की काय घडलं?

नांदेड जिल्ह्यात मागील दोन दिवसांपासून दमदार पाऊस (Villagers Saved Students From Flood Water) पडतोय. या पावसामुळे काही नदी नाल्यांना पूर देखील आलाय. नांदेडच्या अर्धापूर तालुक्यातील खैरगाव येथील नाल्याला पूर आला होता. नाल्याच्या पलीकडे विद्यार्थी अडकले होते. त्यांना मानवी साखळी करून सुखरूप बाहेर काढण्यात आलंय. १६ जूलै राजी सायंकाळी हा सर्व प्रकार घडला. हा सर्व थरार कॅमेऱ्यात कैद झालाय. विद्यार्थ्यांना पुरातून वाचवताना व्हिडिओ समोर (Nanded Rain) आलाय.

विद्यार्थ्यांना पुराच्या पाण्यातून वाचवल्याची घटना

नेहमीप्रमाणे हे सर्व विद्यार्थी शाळेत गेले होते. सायंकाळी त्यांची शाळा सुटली अन् हे विद्यार्थी घराकडे निघाले. खैरगावकडे जात असताना अचानक या नाल्याला पूर आला. त्यामुळे विद्यार्थी पुरात (Nanded News) अडकले. गावकऱ्यांनी जीव धोक्यात घालत या विद्यार्थ्यांना वाचवलं. नांदेडमध्ये मुसळधार पावसामुळे पुरात अडकलेले विद्यार्थ्यांची मदत गावकऱ्यांनी केल्याचं समोर आलंय. हे सर्व विद्यार्थी सुखरूप असल्याची माहिती मिळतेय.

विद्यार्थ्यांना वाचवण्यासाठी गावकऱ्यांचे प्रयत्न

गावकऱ्यांनी भरपावसामध्ये या विद्यार्थ्यांची मदत केलीय. डोक्यावर पाणी कोसळत असताना गुडघाभर पाण्यात गावकरी उभे राहिले. हातांची साखळी करत गावकऱ्यांनी विद्यार्थ्यांना पाण्यातून बाहेर (Flood Water) काढलं. विद्यार्थ्यांना वाचवण्यासाठी गावकऱ्यांची मोठी गर्दी जमली होती. या रस्त्यावरच्या पुलाची उंची वाढवावी, अशी गावकऱ्यांची अनेक वर्षापासून मागणी आहे. परंतु, या पुलाची उंची वाढविली नसल्याने पावसाळ्यात नाल्याला पूर येतो, त्यामुळे गावकऱ्यांना अशा पध्दतीने मानवी साखळी करून धोकादायक प्रवास करावा लागत असल्याचं समोर आलंय.