विलास घुले हत्येत बलात्काराचा ट्विस्ट, महिलेचा घुलेच्या मित्रावर ब्लॅकमेलिंगचा आरोप

बीडमधील हत्या, बलात्काराच्या गुन्ह्यांची मालिका काही संपायला तयार नाही. केज तालुक्यातील टाकळी येथील विलास घुले हत्या प्रकरणात नवा ट्विस्ट आलाय...आधी या प्रकरणात विलास घुलेची हत्या झाल्याचं बोललं जात होतं, पण आता या हत्येमागे केवळ वाद नसून महिलेचा बलात्कार आणि ब्लॅकमेलिंगचा प्रकार समोर आल्याचा संशय व्यक्त करण्यात येतोय. 20 जूनच्या रात्री विलास घुले या तरुणाची हत्या झाली... या हत्येनंतर नातेवाईकांनी घुलेचा मृतदेह थेट पोलीस ठाण्यासमोर ठेवून आंदोलन केलं..त्यानंतर पोलिसांनीही 9 आरोपींना अटक केली... मात्र आता या प्रकरणातील महिलेनं समोर येऊन केलेले खुलासे पोलिसांचेही डोकं चक्रावून टाकणारे आहेत.

विलास घुलेवर महिलेचे आरोप -

विलास घुलेचा मित्र उमेश मानेनं माझ्यावर अत्याचार करून व्हिडिओ बनवले

व्हिडिओ व्हायरल करण्याची धमकी देऊन उमेशनं वारंवार अत्याचार केले...

3 जूनला विलास घुलेनं धमकी देऊन मला संबंध ठेवण्यास सांगितलं

पूर्वीसारखेच संबंध नाही ठेवले तर लेकरांना आणि नवऱ्याला जीवे मारण्याची विलासकडून धमकी

20 जूनच्या रात्री विलास आणि उमेश मानेची घरासमोर येऊन शिवीगाळ

विलास आणि उमेशची समजूत काढण्यासाठी माझे वडील, पती आणि नातेवाईक हॉटेलवर गेले

हॉटेलवर विलास आणि उमेशकडून काचेच्या बाटल्या आणि विटांनी पती, वडिलांना मारहाण

बचावाच्या प्रयत्नात वडिलांच्या हल्ल्यात विलास घुलेचा मृत्यू

पीडित महिलेनं बलात्काराचे आरोप केल्यामुळे हत्या प्रकरणात नवा ट्विस्ट आलाय. एकीकडे विलास घुलेच्या नातेवाईकांनी हत्येचा कट रचून हल्ला केल्याचा आरोप केलाय, तर दुसरीकडे पीडितेने हा हल्ला आत्मसंरक्षणासाठी केल्याचा दावा केल्यानं पोलिसांसमोर तपासाचं नवं आणि मोठं आव्हान उभं ठाकलंय...आता पोलिस या आरोपानंतर आपल्या तपासाची दिशा बदलून हत्या प्रकरणातील इतर धागेदोरे कसे शोधून काढणार, हे पाहणं महत्त्वाचं आहे...