Nagpur News : मराठ्यांच्या आरक्षणाला (Maratha Reservation) आमचा विरोध नाही, पण ओबीसी (other backward class) मधून सरकार ते देणार असेल तर आम्ही रस्त्यावर उतरून आंदोलन करू असा इशारा विरोधी पक्षनेते विजय वडेट्टीवार (vijay wadettiwar latest marathi news) यांनी सरकारला दिला आहे. (Maharashtra News)
सरसकट मराठ्यांना कुणबी प्रमाणपत्र देण्याच्या जरांगे पाटील यांच्या मागणीला विरोधी पक्षनेते विजय वडेट्टीवार यांनी विरोध दर्शविला आहे. उद्या होणाऱ्या कुणबी ओबीसी आंदोलनाला वडेट्टीवार यांनी पाठिंबा दिला आहे.
ते म्हणाले उद्याच्या आंदोलनात मी देखील सहभागी होणार आहे. मराठ्यांना आरक्षण द्यायचे असेल तर EWS च्या धर्तीवर वेगळे द्या असेही त्यांनी सूचवले आहे. तसेच वंशावळीत कुणबी असा उल्लेख असलेल्यांना ओबीसी B असं आरक्षण द्या असे त्यांनी नमूद केले.
सर्व शाखीय कुणबी ओबीसी आंदोलन
सर्व शाखीय कुणबी ओबीसी आंदोलन (kunbi obc aandolan) कृती समिती उद्यापासून (रविवार) एल्गार पुकारणार असल्याचे समितीच्यावतीने प्रतिनिधींनी पत्रकार परिषदेत सांगितले. समाजाच्या सर्व संघटनांचं उद्या ११ वाजता संविधान चौकात आंदोलन करण्यात येणार आहे.
मराठा समाजाला कुणबी प्रमाणपत्र देण्याच्या मागणी विरोधात ओबीसींचं आंदोलन छेडले जाणार आहे. सरकारकडून ठोस आश्वासन मिळेपर्यंत ओबीसांचं हे आंदोलन सुरु राहणार असल्याचे समितीने स्पष्ट केले.
सर्वशाखीय कुणबी, ओबीसी आंदोलन कृती समितीच्या माध्यमातून हे आंदोलन केले जाणार आहे. उद्यापासून धरणे आंदोलन, तर सरकारने मराठा समाजाला कुणबी प्रमाणपत्र देण्याचा निर्णय घेतला तर उपोषण करु असेही समितीने स्पष्ट केले आहे.
अशी आहे भूमिका
मराठा समाजाला ओबीसीतून आरक्षण देऊ नये.
परराज्यातील लोकांना कुठल्याही कागदपत्रांच्या आधारे महाराष्ट्रातील जात प्रमाणपत्र देऊ नये.
जातीनुसार जनगणना करावी, ५२ टक्के ओबीसी समाजाला ५२ टक्के आरक्षण द्यावं.
केंद्र सरकारने ५० टक्के आरक्षणाची मर्यादा वाढवावी.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
