Vasai Firing : राज्यात पुन्हा गोळीबाराचा थरार! वसईत दिवसाढवळ्या दोघांवर गोळीबार, नागरिक दहशतीत

वसई : राज्यात गोळीबाराचं सत्र सुरुच आहे. पुण्यानंतर आता वसईत गोळीबाराची घटना घडली आहे. वसाईच्या बापाने परिसरात गोळीबाराची घटना घडली आहे. दिवसाढवळ्या दोघांवर झालेल्या गोळीबाराने वसईत खळबळ उडाली आहे. या गोळीबारात दोघे जखमी झाल्याची माहिती हाती आली आहे. जमनीच्या वादातून ही गोळीबाराची घटना घडली आहे.

मिळालेल्या माहितीनुसार, वसईच्या बापाने हद्दीत गोळीबाराची घटना घडली आहे. जमिनीच्या वादातून गोळीबाराची घटना घडली आहे. आज बुधवारी दुपारच्या सुमारास ही घटना घडली आहे. या गोळीबाराच्या घटनेने परिसरात खळबळ उडाल्याचं पाहायला मिळालं. बापाने हद्दीत झालेल्या गोळीबारात दोघे जखमी झाल्याची माहिती हाती आली आहे.

वसईत अनिस सिंग आणि संजय जोशी यांच्यावर गोळीबार झाल्याची माहिती हाती आली आहे. तर वैकुंठाला बांबूच्या साहाय्याने मारहाण झाल्याची माहिती मिळत आहे. यात मारहाणीत सहा ते सात जण जखमी झाल्याची माहिती मिळत आहे. या घटनेतील जखमींवर उपचार घेत आहे. आरोपी मेघनाद भोईर याने गोळीबार केल्याची माहिती मिळत आहे. या घटनेतील पीडित व्यक्ती जमिनीच्या साईटवर जाऊन जमिनीची मोजणी करत होते. त्यानंतर गाडीने परतत होते, तेवढ्यात गाडी थांबवून आरोपी आणि साथिदारांची झडप झाली. त्यात आरोपींनी गाडीतून उतरुन गोळीबार केला.

दरम्यान, काही दिवसांपूर्वी पिंपरी चिंचवडमध्ये गोळीबाराची घटना घडली होती. दोन गुंडांनी दुचाकीवरून येऊन कंपनीजवळ अंदाधुंद गोळीबार केला होता. वराळे परिसरातील कैलास स्टीलकंपनीजवळ ही घटना घडली होती. या घटनेत कंपनीचा सुपरवायझर जखमी झाला होता. कंपनी मालकाकडे खंडणी मागण्यासाठी आणि कामगारांमध्ये दहशत निर्माण करण्यासाठी गोळीबार केल्याची माहिती हाती आली आहे.