Beed Unseasonal Rain : राज्यातील काही जिल्ह्यात सलग दुसऱ्या दिवशी अवकाळी पाऊस सुरूच आहे. अवकाळीसह गारपीटीचा तडाखा बसल्याने नागरिकांची पुरती दाणादाण उडवली असून शेतीचं मोठं नुकसान झालं आहे. बीड जिल्ह्यालाही अवकाळी पावसाचा तडाखा बसला असून महाभयंकर गारपीट होत असल्याचा व्हिडीओ समोर आला आहे. (Latest Marathi News)
बीडच्या केज तालुक्यातील अनेक भागांमध्ये अवकाळी पावसाने कहर केलाय. तुफान पावसासह गारपीट झाल्याने शेतकऱ्यांचं प्रचंड नुकसान झालंय. तर मांगवडगाव आणि देवगाव येथे वीज पडून गाय आणि बैल ठार झाल्याची घटना देखील घडली आहे. (Breaking Marathi News)
केज तालुक्यातील नांदूरघाट, शिरूरघाट, राजेगाव, नाव्होली, हादगाव डोका, मांगवडगाव, साळेगाव, माळेगाव, युसुफवडगाव, धनेगाव, कोरेगाव, कोठी, मस्साजोग, सुर्डी (सोनेसंगवी), लाखा, सोनेसांगवी, विडा या परिसरात वादळी वाऱ्यासह आणि विजेच्या गडगडटासह गारपीट तुफान गारपीट झाली. या तुफान गारपीटीचा व्हिडीओ समोर आला आहे.
या गारपिटीने आंबा, भाजीपाला, फळभाज्या, टरबूज, झेंडू व मिरची यासह ज्वारी आणि गव्हाचे मोठ्या प्रमाणात नुकसान झाले आहे. तसेच देवगाव येथे वीज पडून नारायण मुंडे यांचा बैल तर मांगवडगाव येथे वीज पडून दत्तू मुळूक यांची गाय दगावली आहे.
दरम्यान, जिल्ह्यात सध्या देखील विजेच्या कडकडाटासह ढगांच्या गडगडाटात जोरदार अवकाळी पाऊस सुरु आहे. यामुळे शेतकरी पुन्हा एकदा संकटात सापडला आहे.हाततोंडाशी आलेला घास अवकाळीने हिरावून नेल्याने बळीराज्याला अश्रू अनावर झाले आहेत. झालेल्या नुकसानीची पाहणी करून तातडीने भरपाई द्यावी, अशी मागणी बळीराजा करत आहेत.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
