Ravikant Tupkar On Union Budget 2024 : शेतकऱ्यांसाठी निराशादायी अर्थसंकल्प : रविकांत तुपकर

Buldhana News :

सरकारने निवडणुका डोळ्यासमोर ठेऊन आजचा अर्थसंकल्प सादर केला गेला आहे. हा अंतरिम अर्थसंकल्प आहे. आजच्या अर्थ संकल्पातून शेतकऱ्यांच्या हाती काही लागेल असे वाटत नाही असे स्पष्ट मत (budget 2024 analysis) शेतकरी नेते रविकांत तुपकर (ravikant tupkar) यांनी व्यक्त केले. (Maharashtra News)

केंद्रीय अर्थमंत्री निर्मला सीतारमण (FM Nirmala Sitharaman) यांनी आज (गुरुवार) अंतरिम अर्थसंकल्प सादर केला. मंत्री सीतारमण यांनी अर्थसंकल्प सादर केल्यानंतर महाराष्ट्रातील नेते विशेषत: महाविकास आघाडीचे नेते आणि अन्य सामाजिक कार्यकर्ते अर्थसंकल्पातून राज्याला विशेष काही मिळाले नसल्याच्या भावना व्यक्त करु लागले आहेत.

शेतकरी नेते रविकांत तुपकर यांनी साम टीव्हीशी बाेलताना म्हणाले या अर्थसंकल्पात फारसे नवीन काही नाही. हा अर्थसंकल्प केवळ निवडणुका डोळ्यासमोर ठेऊन सादर केला गेला आहे. यातून शेतकऱ्यांच्या हातात काहीही येईल असे वाटत नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

साेयाबीनला भाव नाही, कापसाचे दर घसरलेत अन्य शेती मालाचे भाव पडले आहेत. त्याअनुषंगाने सरकारने अर्थसंकल्पात काही दिले गेले नाही. शेतक-यांना बाेनसच्या रुपाने काही तरी दिलं पाहिजे हाेते. पण तसं झालेले नाही.

मागील 10 वर्षातील अर्थासंकल्पाचे ऑडिट करायला पाहिजे. जेणे करून मागील 10 वर्षात ज्या घोषणा केल्या त्याची किती अमलबजावणी झाली हे समजू शकेल असेही शेतकरी नेते रवीकांत तुपकर यांनी नमूद केले.

Edited By : Siddharth Latkar